Abraham Normann () var ein norsk kjøpmann og stortingsmann frå Bergen.
Normann var son til ein «konsumtionsinspektør» i Bergen. Sjølv tok han borgarskap i heimbyen i 1778, der han dreiv nordlandshandel. Seinare var han over-fiskevegar på Bryggen i Bergen. I 1818 var han Bergen by sin 3. representant på Stortinget, der han var medlem av ti komitear. Mellom anna komiteane om russehandelen i Finnmark, om kjøpstad i Ålesund, om forlikslova, om kvekarane, om kapra skip og om innkvartering.
Normann døydde brått som vert i selskapet Harmonien, 69 år gammal.
Kjelder
Kategori:Norske handelsfolk Kategori:Stortingsrepresentantar 1818-1820 Kategori:Stortingsrepresentantar for Bergen Kategori:Folk frå Bergen