«I Honestly Love You» (først gjeve ut i Australia som «I Love You, I Honestly Love You») var ein stor hitsingel for Olivia Newton-John i 1974. Songen vart den første for Newton-John som nådde toppen av listene i USA og Canada.
Han vart gjeven ut på albumet Long Live Love i Storbritannia av EMI, og sidan på albumet If You Love Me, Let Me Know i USA på MCA. Songen var skriven av Jeff Barry og den australske låtskrivaren Peter Allen. Allen spelte inn songen kring same tid for albumet Continental American. Han finst òg i musikalen om livet til Allen, The Boy from Oz. VH1 plasserte songen på 11. plass på lista dei over dei 40 beste softrock-songane gjennom tidene. Med denne songen vann Newton-John Grammyprisen for både årets plate og årets kvinnelege popartist. Andy Williams gav ut ein versjon i 1974 på albumet sitt You Lay So Easy on My Mind.
Eit klipp av songen vert spelt over radio under det andre haiåtaket i filmen Haisommer frå 1975.
Lister Songen toppa lista i USA den 5. oktober 1974 og selde over to millionar eksemplar her, som gav Newton-John ei platinaplate. Han nådde òg 3. plassen på Adult Contemporary-lista. og sjetteplass på Country-lista. Den store populariteten til songen gjorde at òg albumet If You Love Me, Let Me Know, nådde toppen av albumlista. Singelen gjorde det heller dårleg i Storbritannia der han berre nådde 22. plass.
Newton-John gav ut songen på ny i 1977 med B-sida «Don't Cry for Me Argentina». Han nådde då 48. plass i USA.
1998-versjonen
I 1998 gav Newton-John ut ein ny versjon av «I Honestly Love You» frå albumet hennar Back with a Heart, med Babyface på korvokal. Denne nådde 67. plass på Billboard Hot 100, den første singelen hennar på lista der på seks år.
Lister Liste (1974)PlasseringAustralian ARIA Singles Chart1Canadian RPM Top Singles1Canadian RPM Country Tracks1Canadian RPM Adult Contemporary Tracks1Sverige1UK Singles Chart22U.S. Billboard Hot 1001U.S. Billboard Hot Country Singles6U.S. Billboard Easy Listening1Liste (1977)PlasseringCanadian RPM Top Singles55Canadian RPM Adult Contemporary Tracks1U.S. Billboard Hot 10048U.S. Billboard Easy Listening49Liste (1983)PlasseringUK Singles Chart52Liste (1998)PlasseringAustralian ARIA Singles Chart88U.S. Billboard Country Singles Sales16U.S. Billboard Hot 10067U.S. Billboard Hot Adult Contemporary Tracks18
Kjelder Denne artikkelen bygger på «I Honestly Love You» frå , den 26. august 2014. oppgav desse kjeldene:
Bakgrunnsstoff
Kategori:Songar frå 1974 Kategori:Singlar frå 1974 Kategori:Songar skrivne av Jeff Barry Kategori:Songar skrivne av Peter Allen Kategori:Olivia Newton-John-songar Kategori:Andy Williams-songar Kategori:Songar produserte av John Farrar Kategori:Songar på toppen av Billboard-lista Kategori:Nummer-ein-singlar i Australia Kategori:Nummer-ein-singlar i Canada Kategori:Nummer-ein-singlar i Sverige Kategori:Popballadar