Maghar (arabisk المغار, hebraisk מַעָ'ר, òg al-Maghar eller Mghar) er ein arabisk landsby i Nord distrikt i Israel med eit areal på 19 810 dekar. Maghar fekk lokal kommunestatus i 1956. Det var 19 900 innbyggjarar i Maghar i slutten av 2009.
Historie
Antikken Maghar vart kalla Zar i romartida. Mange olivenlundar og vinpresser syner om ei lang historie med jordbruk i området, og mange grotter i åssidene syner at det har budd folk her lenge. Namnet på landsbyen kjem frå arabisk og tyder «grottene».
Osmansk tid I 1596 var landsbyen oppført i osmanske skattelister som Magar Hazur, ein del av Tabariyya nahiya i Safad Liwa. Innbyggjarane var utelukkande muslimar og bestod av 169 hushaldningar og 17 ungkarar. Skattane vart betalte for kveite, bygg, oliventre, geiter og/eller bikubar, og ei presse for oliven eller druer.Hütteroth and Abdulfattah, 1977, s. 187.
På 1800-talet vitja den franske oppdagaren Victor Guérin landsbyen, som han kalla el-Mehar, med 1200 innbyggjarar. Han var delt inn i tre bydelar med muslimar, kristne og drusarar.Guérin, 1880, s. 457-458 I 1881 skildra Palestine Exploration Fund i Survey of Western Palestine El Mughar som ein «stor, steinbygd landsby med kring 1 100 muslimar, drusarar og kristne, som ligg i ei åsside med store olivenlundar i sør og vest, ei stor kjelde og brikeh som gjev god vassforsyning.»Conder and Kitchener, 1881, s. 364
Det britiske mandatet I folketeljinga i 1922, utført av Dei britiske mandatstyresmaktene, hadde Mughar wa Mansura eit folketal på 1377. Av desse var 265 muslimar, 676 drusarar og 436 kristne.Barron, 1923m Table XI, Underdistrikt of Tiberias All dei kristne var romersk-katolske.Barron, 1923, Table XVI I folketeljinga i 1931 var folketalet i Maghar, i lag med Al-Mansura, i alt 1733, i 373 busette hus. Av desse var 307 muslimar, 549 kristne og 877 drusarar.Mills, 1932, s. 83
I 1945 var folketalet i Maghar, i lag med Al-Mansura, 2 140, alle arabarar, som eigde 55 583 dekar land i følgje ei offisiell landmåling.Government of Palestine, Department of Statistics. Village Statistics, April, 1945. Sitert i S. Hadawi, Village Statistics, 1945. PLO Research Sentral, 1970, s. 72 7 864 dekar var plantasjar og irrigert land, 18 352 for korn,Government of Palestine, Department of Statistics. Village Statistics, April, 1945. Sitert i S. Hadawi, Village Statistics, 1945. PLO Research Sentral, 1970, s. 122 medan 55 dekar vart utbygd (urbant) land.Government of Palestine, Department of Statistics. Village Statistics, April, 1945. Sitert i S. Hadawi, Village Statistics, 1945. PLO Research Sentral, 1970, s. 172
Staten Israel mini|Olivenlundar i Maghar. Under Operasjon Hiram, 29–31. oktober 1948, overgav byen seg til den framrykkande israelske hæren. Mange av innbyggjarane flykta, men somme vart verande att og vart ikkje drivne bort av dei israelske soldatane.Morris, 1987, s. 226 Byen vart verande i unntakstilstand fram til 1966.
Under Israel-Libanon-konflikten i 2006, vart to innbyggjarar i Maghar drepne og fleire skadde i åtak frå Hizbollah-rakettar og klasebomber. Den 25. juli vart den 15 år gamle Doua Abbas drepen av ein rakett som traff huset hennar. Den 4. august vart den 27 år gamle mora til to, Manal Azzam, og to andre innbyggjarar alvorleg skadd då ein rakett traff eit bustadbygg.arabarar are among the dead and wounded in Hizbollah rocket attacks
Kjelder
Denne artikkelen bygger på «Maghar» frå , den 31. januar 2015. oppgav desse kjeldene:
Braun, Eliot (9/6/2004): Maghar Archive Report- Final Report 116 HA-ESI
Jaffe, Gilad Bezal’el (28/2/2010): Maghar Final Report 122 HA-ESI Jaffe, Gilad Bezal’el (9/10/2011) Maghar Final Report 123 HA-ESI
Bakgrunnsstoff SWP-kart VI Velkomen til Maghar
Kategori:Arabiske stader i Israel Kategori:Drusarstader i Israel Kategori:Lokale kommunar i Nord-distriktet i Israel