Joseph Stanley Williams () er ein amerikansk rockesongar og filmmusikkomponist, mest kjend for arbeidet med rockebandet Toto. Han er son av filmkomponisten John Williams og skodespelarinna/songar Barbara Ruick og barnebarn av jazztrommeslagaren Johnny Williams og skodespelarane Melville Ruick og Lurene Tuttle.
Joseph Williams var solovokalist med Toto i midten og slutten av 1980-åra og var med på albuma Fahrenheit (1986) og The Seventh One (1988) før han slutta på grunn av personlege problem. Han er òg med på Toto-albumet Falling in Between i 2006. I 2010 kom Williams med som fast songar i Toto igjen.
Williams gav ut det første soloalbumet sitt i 1982 og etter han slutta i Toto kom fleire album. Mange av medlemmane i Toto har spelt på soloprosjekta hans.
Joseph Williams har òg skrive musikk til mange filmar og fjernsyn, som «Roswell» og «The Lyon's Den» med Rob Lowe. I 2003 vart han nominert til ein Emmypris for kjenningsmelodien til serien Miracles.
Som studiomusikar har Williams arbeidd med Peter Cetera, Jay Graydon, Jon Anderson og Chicago.
I animasjonsfilmen Løvenes konge song han stemma til den vaksne Simba på songane «Hakuna Matata» og «Can You Feel the Love Tonight».
Diskografi Toto-album 1986: Fahrenheit 1988: The Seventh One 1998: Toto XX 2006: Falling in Between 2014: 35th Anniversary - Live in Poland 2015: Toto XIV
Soloalbum 1982: Joseph Williams (re-released 2002) 1996: I Am Alive 1997: 3 1999: Early Years 2003: Vertigo 2006: Two of Us 2006: Vertigo 2 2007: Smiles og Tears 2008: This Fall 2011: Williams/Friestedt
Gjestevokal (utdrag) 1983: Lapti Nek (Urth) 1984: Which One Of Us Is Me (Jay Gruska) 1985: Save The Night (Goonies soundspor) 1985: Sleepess Nights (Alan Gorrie) 1988: In The City of Angels (Jon Anderson) 1989: My Heart In Red (Ijiima Mari) 1990: Tatsuro Songs from L.A. (samleplate) 1990: Toy Matinee (Toy Matinee) 1991: Tatsuro Songs from L.A. 2 (samleplate) 1991: Fade In Love (samleplate) 1992: Re-Import (samleplate) 1992: Goody's (samleplate) 1992: The Radical Light (Vonda Shepard) 1993: Airplay for the Planet (Jay Graydon) 1993: L.A. Cowboys / Endless Summer (samleplate) 1994: Love Stories 3 (samleplate) 1994: The Lion King (Original Movie Soundtrack) 1997: California Dreamin''' (West Coast All Stars) 1998: Naturally (West Coast All Stars) 1999: ELT Songs From L.A. (samleplate) 1999: In A Dream (Lionel's Dad) 2002: LA Project (Peter Friestedt) 2006: Avalon (The Richie Zito Project) 2008: LA Project II (Peter Friestedt) 2008: Holy God (Brian Doerksen) 2014: My Kind O' Lovin' '' (Intelligent Music Project II)
Kjelder Denne artikkelen bygger på «Joseph Williams (musician)» frå , den 9. november 2015. oppgav desse kjeldene:
Bakgrunnsstoff
Kategori:USA-amerikanske songarar Kategori:USA-amerikanske filmmusikkomponistar Kategori:Musikarar frå California Kategori:Toto-medlemmar