Khawr al Udayd (arabisk خور العديد), òg skrive Khor al Adaid, er namnet på ei bukt i Persiabukta og ein busetnad her som ligg i Al Wakrah kommune søraust i Qatar, på grensa til Saudi-Arabia.
Historie Khawr al Udayd var i lang tid tilfluktsstad for sjørøvarar frå Abu Dhabi. Medlemmar av Bani Yas-stamma flytta og slo seg ned i området ved to høve: i 1835 og 1849. Ein av dei meir kjende innbyggjarane i 1835 var piraten Jasim bin Jabir. Innbyggjarane aust i Qatar var delaktige i plyndringane til piratane i Khawr al Udayd av fartøy langs kysten av Abu Dhabi, og ein styrke frå den britiske marinen vart send til staden i 1836 for å ta sjørøvarane. Britane gav ordre til høvdingane i dei største byane i Qatar om å la vere å sende forsyningar til piratane og bad dei å beslagleggje båtane deira. I tillegg sette den britiske marinestyrken brann på eit av piratskipa. Jassim bin Jabir flytta derfor til Doha i september 1836.
På midten av 1800-talet var busetanden ved Khawr al Udayd busett av kring 200 folk frå Bani Yas-stamma, som eigde i alt 30 perleskip. Området var godt verna med ein liten festning med to tårn i midten av byen.
I 1878 la britane og Abu Dhabi planar om å invadere Khawr al Udayd for å stoppe piratveksemda til innbyggjarane. Som svar truga Jassim bin Mohammed Al Thani med å okkupere Khawr al Udayd. Dette enda med full krig mellom Abu Dhabi og Qatar som varte fram til seint i 1880-åra.
Turisme mini|venstre|Stranda i Khawr al Udayd. Stranda i Khawr al Udayd er eit populært turistmål i Qatar.
Kjelder Denne artikkelen bygger på «Khawr al Udayd» frå , den 29. desember 2015. oppgav desse kjeldene:
Bakgrunnsstoff Khor Al-Adaid naturreservat
Kategori:Bukter i Saudi-Arabia Kategori:Bukter i Qatar Kategori:Den qatarsk-saudiarabiske riksgrensa Kategori:Busetnader i Al Wakrah