Olena Mykhajlivna Pidhrusjna () er ein ukrainsk skiskyttar, fødd i Legnica i Polen. Ho vart verdsmeister i 7,5 km sprint under VM i skiskyting 2013 i Nové Město og olympisk meister i 4 x 6 km stafett for Ukraina under Vinter-OL 2014 i Sotsji.
Aktiv Pidhrusjna vann både gull-, sølv- og bronsemedalje då verdsmeisterskapen 2013 fann stad i Tsjekkia vinteren 2013. Det tok til med prikkfri skyting og siger i 6,5 km sprint, 6,4 sekundar framon norske Tora Berger. Dagen etter gjekk Pidhrusjna inn til bronse på den etterfylgjande jaktstarten. Ei knapp veke seinare måtte ankerkvinne Pidhrusjna sjå seg forbi- og frågått av Berger under innspurten på VM-stafetten, men ho berga ukrainsk sølvmedalje framom Italia.
Under vinterleikane 2014 i Sotsji var Pidhrusjnas beste individuelle plassering ein sjuandeplass i fellesstarten. Etter at Vita Semerenko, Julija Dsjyma og Valj Semerenko syrgde for at Ukraina heile vegen var med i gullstriden i 4 x 6 km stafett, var det opp til Pidhrusjna å sikre ukrainsk OL-gull. Atter viste ho seg som ein trygg skyttar, og passerte mållinja med 26 sekundar til gode på sterkaste konkurrenten, Russland.
Pr 31. januar 2016 har Pidhrusjna sju (1-2-4) individuelle pallplasseringar i verdscupen i skiskyting. VM-triumfen i 2013 er hennar einaste verdscupsiger individuelt.
Kjelder Denne artikkelen bygger på «Olena Pidhruschna» frå , den 5. februar 2016.
Bakgrunnsstoff
Kategori:Ukrainske skiskyttarar Kategori:Verdsmeistrar i skiskyting Kategori:Olympiske meistrar for Ukraina Kategori:Ukrainske deltakarar under vinter-OL 2010 Kategori:Skiskyttarar under vinter-OL 2010 Kategori:Medaljevinnarar under vinter-OL 2014 Kategori:Ukrainske deltakarar under vinter-OL 2014 Kategori:Skiskyttarar under vinter-OL 2014 Kategori:Ukrainske deltakarar under vinter-OL 2022 Kategori:Skiskyttarar under vinter-OL 2022 Kategori:Deltakarar under VM i skiskyting 2009 Kategori:Deltakarar under VM i skiskyting 2011 Kategori:Deltakarar under VM i skiskyting 2012 Kategori:Deltakarar under VM i skiskyting 2013 Kategori:Deltakarar under VM i skiskyting 2016 Kategori:Deltakarar under VM i skiskyting 2017 Kategori:Deltakarar under VM i skiskyting 2020 Kategori:Deltakarar under VM i skiskyting 2021