Olav Hordvik () var ein gardbrukar, bankmann og politikar frå Hamre i Hordaland som representerte Venstre på Stortinget frå 1954 til 1969.
Hordvik utdanna seg ved Frekhaug ungdomsskule 1918-19 og ved Stend landbruksskule 1921-23. Frå 1923 dreiv han farsgarden Hordvik. Jamsides bondeyrket var han heradskasserar i Hamre 1925-33, bankkasserar i Hamre og Aasane Sparebank 1933-43 og deretter banksjef i same sparebanken til 1965.
Hordvik var ordførar i Hamre i 1937–38, og i Åsane herad frå 1945 til 1955. Stortingsperioden 1950-53 var han innom Stortinget som vararepresentant for Venstre og Hordaland. Frå 1954 til 1969 hadde han fast plass på Tinget, medlem i Protokollkomiteen 1954-1958. I tida frå 1958 til 1969 var han medlem i Kyrkje- og undervisningskomiteen, som sekretær i den siste fireårsbolken. Perioden 1965-69 var han også sekretær i den mindre viktige Valkomiteen.
Han gav i 1975 ut Åsane Bygdebok.
Kjelder Stortingsbiografi
Kategori:Stortingsrepresentantar 1954-1957 Kategori:Stortingsrepresentantar 1958-1961 Kategori:Stortingsrepresentantar 1961-1965 Kategori:Stortingsrepresentantar 1965-1969 Kategori:Folk frå Bergen