«Private Dancer» er ein song av den amerikanske artisten Tina Turner. Han vart opphavleg skriven for og spelt inn av det britiske rockebandet Dire Straits, og han vart skriven av frontmannen i bandet, Mark Knopfler. Innspelinga til Turner vart produsert av John Carter for det femte soloalbumet Private Dancer (1984). Han vart gjeven ut som den femte singelen frå albumet, og nådde sjuandeplassen på den amerikanske Billboard Hot 100 og tredjeplassen på US R&B-lista. Songen hadde moderat internasjonal suksess og nådde 26. plassen på UK Singles Chart.
I musikkvideoen spelar Tina Turner ein desillusjonert selskapsdansar, men songen kan òg tolkast som sungen frå perspektivet til ei prostituert dame.
Bakgrunn Songen vart opphavleg meint for Dire Straits-albumet Love over Gold. Etter at instrumentalsporet var spelt inn, vart det ikkje lagt på vokal. Mark Knopfler syns ikkje vokalen høvde seg for ein mann å synge, så songen vart ikkje teken med på det endelege albumet.http://www.markknopfler.com/music/discography/cd/mk_affiliatedDetails.aspx?albumid=d4b170a2-6369-4308-8b40-b740ad6c25e9http://www.allmusic.com/song/private-dancer-mt0010401799 Kontraktsårsaker gjorde at originalinnspelinga ikkje kunne nyttast, så to år etter han vart spelt inn, vart songen spelt inn på ny av Dire Straits for Tina Turner. Terry Williams erstatta den opphavlege trommeslagaren Pick Withers. Knopfler var ikkje med på songen og vart erstatta av Jeff Beck.
Musikkvideoen, med dansekoreografi av Arlene Phillips, var regissert av Brian Grant og filma i Rivoli Ballroom i London.
Medverkande Tina Turner: Vokal Jeff Beck: Sologitar John Illsley: Bass gitar Alan Clark: Piano, hammondorgel, perkusjon Guy Fletcher: Synthesizer Hal Lindes: Rytmegitar Terry Williams: Trommer Mel Collins: Saksofon Norman Seeff: Singelomslag
Versjonag og miksar 7" edit – 3:54 Albumversjonen eller Full Length Mix (12") – 7:11
Lister
Vekeslister Liste (1984–85) PlasseringAustralia (Kent Music Report) 21scope="row" Finland (Suomen virallinen lista) 7Tyskland (Official German Charts) 20scope="row" Spania (PROMUSICAE) 6
Årslister Liste (1984) PlasseringBelgia (Ultratop 50 Flanders) 74Nederland (Single Top 100) 24 Liste (1985) PlasseringUS Billboard Hot 100 93US Hot R&B/Hip-Hop Songs (Billboard) 39
Kjelder
Denne artikkelen bygger på «Private Dancer (song)» frå , den 22. april 2016.
Kategori:Songar frå 1984 Kategori:Singlar frå 1984 Kategori:Tina Turner-songar Kategori:Songar skrivne av Mark Knopfler Kategori:Songar om dansing Kategori:Capitol Records-singlar