thumb|right|Niccolò Machiavelli Niccolò Machiavelli () var ein italiensk forfattar, statsmann, diplomat og filosof. Han levde i Firenze i renessansen. Hovudverka er Fyrsten (1513) og Drøftingar av dei første ti bøkene hjå Titus Livius (1513–21).

I dag er kanskje Machiavelli mest kjend for si tilnærming til omgrepet makt. Temaet vart teke opp i boka Fyrsten. Boka er like mykje ei praktisk handbok for leiarar i maktbruk, som ei filosofisk drøfting av omgrepet makt. Machiavelli si tilnærming til makt er like aktuell i dag som på 1500-talet. Enkelte kritiserer tankane hans om makt for å vera utslag av kynisme.

Hans E. Kinck skreiv ei lengre utgreiing om Machiavelli og samtida hans, og eit skodespel om mannen, Mot Karneval. Kinck meinte Machiavelli skreiv Fyrsten som han gjorde av di han hadde mist alle illusjonar om ein god leiar for Italia. Alle fyrstane han opplevde i samtida mangla det han meinte skulle til for å nå dei måla som var naudsynte. Kinck nytta og Machiavelli for å åtvara mot fascismen som voks fram i Italia på den tida skodespelet Mot Karneval vart til.

Musikk til verka Mandragola og Clizia vart skrive av den samtidige komponisten Philippe Verdelot.

Nokre verk Discorso sopra le cose di Pisa, 1499 Del modo di trattare i popoli della Valdichiana ribellati, 1502 Del modo tenuto dal duca Valentino nell' ammazzare Vitellozzo Vitelli, Oliverotto da Fermo, etc., 1502 Discorso sopra la provisione del danaro, 1502 Decennale primo, 1506 Ritratti delle cose dell'Alemagna, 1508-1512 Decennale secondo, 1509 Ritratti delle cose di Francia, 1510 Discorsi sopra la prima deca di Tito Livio, 3 vol., 1512-1517 Il Principe, 1513 (Fyrsten) Andria, 1513 (?) Mandragola, Della lingua (dialog), 1514 Clizia, 1515 (?) Belfagor arcidiavolo, 1515 Asino d'oro, 1517 Dell'arte della guerra, 1519-1520 Discorso sopra il riformare lo stato di Firenze, 1520 Sommario delle cose della citta di Lucca, 1520 Vita di Castruccio Castracani da Lucca, 1520 Istorie fiorentine, 8 bøker, 1521-1525 Frammenti storici, 1525.

Kjelder

Bakgrunnsstoff

Detaljert biografi Alrunen. Komedie i fem akter (1971) Magnus Ulleland si omsetjing av Mandragola

Kategori:Italienske filosofar Kategori:Italienske forfattarar Kategori:Renessanseforfattarar