Papayafamilien (Caricaceae) er ein plantefamilie i ordenen Brassicales.
Han omfattar ca. 35 artar fordelt på seks planteslekter. Medlemmer i familien finst hovudsakleg i tropiske delar av Sentral- og Sør-Amerika og Afrika. Dei er kortliva eviggrøne buskar eller små tre med tjukk stamme og blir typisk 5–10 m høge. Ein art i familien, Vasconcellea horovitziana er ein lian, og tre artar i slekta Jarilla er urter. Fleire artar har frukter som kan etast av menneske og er ei kjelde til papain. Papaya er ein av plantane i slekta.
Ifølgje molekylær analyse skal familien ha oppstått i Afrika tidleg i kenozoikum for rundt ~66 millionar år sidan (mya). Utbreiinga frå Afrika til Sentral-Amerika fann stad ~35 mya, kanskje via havstraumar frå Kongo-deltaet. Frå Sentral-Amerika nådde familien Sør-Amerika 19-27 mya.
Slekter Familien er delt inn i 6 slekter og 34-35 artar: Carica – ein art, Carica papaya (papaya), Amerika Cylicomorpha – to artar, Afrika Horovitzia – ein art, Mexico Jacaratia – åtte artar, Amerika Jarilla – tre artar, Amerika Vasconcellea – tjue artar, Amerika
Kjelder
Denne artikkelen bygger på «Caricaceae» frå , den 24. januar 2017. oppgav desse kjeldene: Germplasm Resources Information Network: Caricaceae Ghent University: Cylicomorpha checklist e-Monograph of Caricaceae
Kategori:Brassicales Kategori:Plantefamiliar