Olav Østby-Deglum () var ein norsk gardbrukar og stortingsmann frå Furnes i Hedmark.
Far hans dreiv garden Deglum i Furnes, slektsgarden til mor hans. Sjølv gjekk han middelskulen og tok eksamen ved Jønsberg landbruksskole i 1909. I tida 1912 til -18 var han styrar på Freberg-garden i heimbygda Furnes. Sidan 1918 dreiv han slektsgarden Deglum.
Østby-Deglum var åra 1920-28 medlem i Furnes heradsstyre. Elles var han til sine tider formann i likningsnemnda og i soknerådet og styreformann for pleieheimen i Furnes. På næringsfeltet var han styreformann i Brumunddal Brenneri, nestformann i Hedmark Meieri og styremedlem i Brumunddal Potetmelfabrikk. Frå 1922 var han nestformann i styret for avisa Østlændingen til 1942, då okkupasjonstyresmaktene avsette styret, men fekk att styrevervet i mai 1945.
Frå 1922 til 1929 var Østby-Deglum sekretær for fylkesorganisasjonen til Bondepartiet i Hedmark, deretter formann i organisasjonen i atten år. I tida 1931-45 representerte han Hedmark og Bondepartiet på Stortinget. På Tinget var han den fyrste valperioden medlem i Lovkomiteen, frå 1934 hadde han sete i Kommunalkomiteen og der han var nestformann frå 1937. Han deltok på dei interparlamentariske konferansane i Helsinki i 1934 og i Paris i 1937. Elles var han medlem i Den departementale trafikkrådkomite av 1934 og formann i Potetkomiteen av 1935. Også styreformann 1937-42 i Noregs Bank si avdeling på Hamar.
Den 27. september 1944 vart Østby-Deglum arrestert, og sat fengsla i eit halvt år, lengste tida i Berg interneringsleir i Østfold. Etter andre verdskrig var over, fungerte han som formann i Bondepartiet til 1947. Han fekk også tilbake formannsstillinga i Noregs Bank på Hamar.
Kjelder
Kategori:Stortingsrepresentantar for Hedmark Kategori:Stortingsrepresentantar frå Sp Kategori:Stortingsrepresentantar 1931-1933 Kategori:Stortingsrepresentantar 1934-1936 Kategori:Stortingsrepresentantar 1937-1945 Kategori:Lokalpolitikarar i Furnes Kategori:Norske gardbrukarar Kategori:Nordmenn frå andre verdskrigen Kategori:Folk frå Ringsaker