Ferdinand Anton Hagerup () var ein norsk lensmann, gardbrukar og politikar frå Giske i dåverande Borgund herad på Sunnmøre.
Hagerup var son til proprietæren i Borstovgarden på Giske. Etter han hadde vore kontorist hos sorenskrivaren i Sunnmøre, busette han seg i Lånagarden på Giskegjerde og dreiv gardsbruket til han i 1843 fekk lensmannsstillinga i Sund og Vågøy i ytre Romsdal. Frå 1847 også gardbrukar på Nedre Tornes i Fræna.
Hagerup var ordførar i Borgund. Både i 1839 og 1845 møtte han på Stortinget frå Romsdals amt. Han var i 1839 medlem i Protokollkomiteen og i komiteen som såg på «Hjelms lovarbeider». I 1845 var han medlem i Næringskomite nr 1. På valtinget hausten 1856 vart han vald til stortingsmann, men omkom i ei kollsegling utanfor Eidem i Fræna straks føre jul, ein månad før Stortinget vart opna.
Kjelder Lindstøl, Tallak: Stortinget og Statsraadet 1814-1914. Kristiania, 1914
Kategori:Stortingsrepresentantar 1839-1841 Kategori:Stortingsrepresentantar 1845-1847 Kategori:Stortingsrepresentantar 1857-1858 Kategori:Stortingsrepresentantar for Møre og Romsdal Kategori:Ordførarar i Borgund i Møre og Romsdal Kategori:Norske gardbrukarar Kategori:Norske politifolk Kategori:Folk frå Giske