mini|Mohenjo-daro, Harappa, Lothal og den tidlegare busetnaden Mehrgarh på kart med dagens grenser.
Mohenjo-daro (sindhi for 'Daudinge-haugen') er ein arkeologisk funnstad nordvest i Sind i Pakistan. Mohenjo-daro var ein av dei største busetnadane i Induskulturen.«Mohenjo-Daro: An Ancient Indus Valley Metropolis» Han blei teken med på UNESCO si verdsarvliste i 1980.
Mohenjo-daro ligg vest for Induselva. Byen blei bygd rundt 2500 f.Kr. Han er blant dei eldste større byane ein kjenner til, og var samtidig med sivilisasjonane i det gamle Egypt, Mesopotamia, minoisk Kreta og Norte Chico. Han blei forlaten rundt 1900 f.Kr., då Induskulturen plutseleg gjekk tilbake.
Staden blei gjenoppdaga på 1920-talet. Han er noko betre bevart enn Harappa frå same kultur, og har derfor gjeve meir informasjon om sivilisasjonen som bygde han. Kjende funn herfrå er statuane av ei ung jente («Dancing Girl» eller 'dansejenta') og ein mann («Priest King» eller 'prestekongen').
Galleri
Kjelder
Denne artikkelen bygger på «Mohenjo-daro» frå , og «Mohenjo-daro» frå den 17. september 2017.
Bakgrunnsstoff
Archaeological Ruins at Moenjodaro, UNESCO World Heritage Centre UNESCO - International Campaign for the Safeguarding of Moenjodaro - Pakistan
Kategori:Historie i Sind Kategori:Arkeologiske stader i Pakistan Kategori:Bronsealderstader i Pakistan Kategori:Verdsarv i Pakistan Kategori:Ruinbyar Kategori:Induskulturen