The Chantays er eit surferockband frå Orange County i California i USA og er mest kjend for instrumentalhitten «Pipeline» (1963). Musikken deira kombinerer elektroniske klaverinstrument og surfegitar, og skapte ein unik spøkjelsesaktig stil.
Historie The Chantays vart skipa i 1961 av fem skulevener. Bob Spickard, Brian Carman (medlåtskrivar på «Pipeline»), Bob Welch, Warren Waters og Rob Marshall var alle studentar på Santa Ana High School i California, då ei lokal gruppe kalla The Rhythm Rockers inspirerte dei til å skipe The Chantays. I desember 1962 gjekk gruppa i studio og spelte og gav ut «Pipeline», som nådde fjerdeplassen på Billboard Hot 100 i mai 1963. Denne gjekk òg inn på UK Singles Chart i 1963 og nådde ein 16. plass der. The Chantays gav ut debutalbumet sitt i 1963, òg kalla Pipeline, som inneheld «Blunderbus» og «El Conquistador». Oppfølgjaren deira var Two Sides of The Chantays i 1964.
The Chantays turnerte i Japan og USA og spelte stundom på turnear med The Righteous Brothers og Roy Orbison, og var det einaste rock and roll-bandet som spelte på The Lawrence Welk Show.Lawrence Welk May 18, 1963
«Pipeline» har blitt ein av dei største surferockhittane og har sidan blitt spelt av Bruce Johnston, Welk, Al Caiola, The Ventures, Takeshi Terauchi & Blue Jeans, Agent Orange, Hank Marvin, Lively Ones, Pat Metheny, Dick Dale med Stevie Ray Vaughan (Grammynominert), thrashmetalbandet Anthrax, Bad Manners og Johnny Thunders. «Pipeline» har blitt nytta i mange filmar og TV-program og finst på mange samlealbum. «Pipeline» er med på lista til Rock and Roll Hall of Fame over 500 songar som forma Rock and Roll. I lag med Bill Medley frå Righteous Brothers og Diane Keaton, har The Chantays fått ei gate kalla opp etter seg i Santa Ana i California, Chantays Way.OC Weekly Magazine
The Chantays er framleis aktive.
Medlemmar Bob Spickard — gitar: opphavleg medlem Brian Carman (1945-2015) — gitar: opphavleg medlem Bob Welch — trommer: opphavleg medlem Warren Waters — bassgitar: opphavleg medlem Rob Marshall — piano: opphavleg medlem Ricky Lewis — gitar: langvarig medlem Gil Orr — gitar/bassgitar: langvarig medlem Brian Nussle — bassgitar: langvarig medlem
Diskografi Album Pipeline (1963) Two Sides of the Chantays (1964) Next Set (1994) Waiting for the Tide (1997)
Singlar «Pipeline» (1962) «Monsoon» (1963) «Space Probe» (1963) «Only If You Care» (1964) «Beyond» (1964) «Greenz» (1965) «Fear of the Rain» / «(I Won't Cry) So Be On Your Way» (1965) som 'The Ill Winds' «It Never Works Out for Me» (1965) som 'Leapin' Ferns'
Prisar Hollywood's Rockwalk, frå 12. april 1996
Kjelder Denne artikkelen bygger på «The Chantays» frå , den 3. mars 2018. oppgav desse kjeldene:
Bakgrunnsstoff www.thechantays.com — Offisiell nettstad
Kategori:Surfegrupper Kategori:Rockegrupper frå California Kategori:Musikkgrupper skipa i 1962