Cupvinnarcupfinalen i fotball 1982 fann stad på Camp Nou i Barcelona 12. mai 1982, framfor 100 066 tilskodarar. FC Barcelona vann finalen, den 22. i sitt slag, med siffera 2-1 over Standard Liège.
mini|Lagoppstillingane Kampen Guy Vandersmissen sende Standard i føringa i det 8. minutt, straks før pausesignalet lydde utlikna Allan Simonsen til 1-1. 18 minuttar ut i den andre omgangen tok Barcelona leiinga 2-1 ved midtspiss Enrique Castro på eit frispark. Frisparket vart teke før dommaren hadde blåse i fløyta, noko som vekte vedvarande harme i Standard-mannskapet. Eit par minuttar før slutt vart Standard-spelaren Walter Meeuws utvist.
Vestyskaren Walter Eschweiler dømde kampen.
Laga FC Barcelona sitt vinnarlag bestod av: Javier Urruticoechea, Gerardo Miranda, Migueli Bianquetti, José Ramón Alexanko, Manolo Martínez, Tente Sánchez (kaptein), Josep Moratalla, Esteban Vigo, Allan Simonsen, Enrique Castro og Lobo Carrasco.
Standard Liège mønstra fylgjande mannskap: Michel Preud'homme, Eric Gerets (kaptein), Gerard Plessers, Theo Poel, Walter Meeuws, Guy Vandersmissen, Arie Haan, Jos Daerden, Simon Tahamata, Benny Wendt og René Botteron.
Kjelder Denne artikkelen bygger på «1982 European Cup Winners' Cup Final» frå , den 6. mai 2018.
Kategori:Cupvinnarcupen i fotball Kategori:Fotball i 1982