Donald Christopher Barber () var ein engelsk jazzmusikar, mest kjend som bandleiar og trombonist.CHRIS BARBER -17.4.1930 –2.3.2021, chrisbarber.net I tillegg til at han fekk ein tradjazz-hit på den britiske Topp 20-lista, hjelpte han karrierane til mange musikarar, mest av alt bluessongaren Ottilie Patterson, som ein gong var kona hans, og vokalisten og banjoisten Lonnie Donegan. Donegan spelte med Barber i skiffle-bølgja midt på 1950-talet og som fekk den første transatlantiske hitten sin med «Rock Island Line», då Chris Barber var i bandet. Sidan han gav Donegan, og seinare Alexis Korner, eit publikum, var Barber ein viktig person i britisk rhythm and blues og «beat-boomen» i 1960-åra.
Biografi
Barber var fødd i Welwyn Garden City i Hertfordshire som son av ein statistikar og ei skulestyrerinne.
Barber og Monty Sunshine (klarinett) skipa eit band i 1953 og kalla det Ken Colyer's Jazzmen for å utnytte trompetisten deira sine nylege eskapadar i New Orleans. Andre i bandet var Donegan, Jim Bray (bass), Ron Bowden (trommer) og Barber på trombone. Bandet spelte Dixieland-jazz, og seinare ragtime, swing, blues og R&B. Pat Halcox tok over på trompet i 1954 då Colyer drog vidare etter musikalske skilnader og bandet vart «The Chris Barber Band».
I april 1953 debuterte bandet i København i Danmark. Der spelte Chris Albertson inn fleire sider for det danske selskapet Storyville, og somme berre med Sunshine, Donegan og Barber på kontrabass. I 1959 låg bandversjonen av Sidney Bechet sin «Petite Fleur», ein klarinettsolo av Monty Sunshine med Barber på kontrabass, 24 veker inne på UK Singles Chart. Han nådde tredjeplassen og selde over ein million eksemplar. For dette fekk han gullplate. Etter 1959 turnerte han i USA mange gonger (der «Petite Fleur» nådde femteplassen).
mini|venstre|upright|Barber på scenen i Hamburg i 1972 Seint i 1950- og tidleg i 1960-åra vvar Barber hovudsakleg ansvarleg for å arrangere dei første britiske bluesturneane til artistane Big Bill Broonzy, Sonny Terry og Brownie McGhee og Muddy Waters. Dette og entusiasmen til lokale musikarar som Alexis Korner og John Mayall, inspirerte unge musikarar som Peter Green, Eric Clapton og The Rolling Stones. Britisk rhythm and blues dreiv den britiske bølgja på den amerikanske hitlistene i 1960-åra, men Dixieland vart verande populært. I januar 1963 rapporterte det britiske musikkmagasinet NME frå den største tradjazz-festivalen i Storbritannia i Alexandra Palace. Her spelte George Melly, Diz Disley, Acker Bilk, Alex Welsh, Kenny Ball, Ken Colyer, Sunshine, Bob Wallis, Bruce Turner, Mick Mulligan og Barber.
Barber sjokkerte tradisjonalistane i 1964 med å hente inn bluesgitaristen John Slaughter i besetninga, og utanom ein pause mellom april 1978 og august 1986, då Roger Hill tok over plassen, spelte han i bandet fram til han døydde i 2010. Barber la til ein andre klarinett/saksofon og denne besetninga varte til 1999.
Utvald diskografi mini|upright=1.0|Chris Barber, 1972 'New Orleans Joys' Chris Barber Jazz Band, med Lonnie Donegan Skiffle Group 1954 Bestsellers: Chris Barber & Papa Bue's Viking Jazzband, 1954 Original Copenhagen Concert, (live) 1954 Chris Barber in Concert, (live) 1956 Chris Barber Plays, Vol. 1, 1955 Chris Barber Plays, Vol. 2, 1956 Chris Barber Plays, Vol. 3, 1957 Chris Barber Plays, Vol. 4, 1957 Chris Barber in Concert, Vol. 2, (live) 1958 «Petite Fleur», 1958 Chris Barber American Jazz band, 1960 In Budapest, 1962 Louis Jordan Sings, 1962 Live in East Berlin, 1968 Chris Barber & Lonnie Donegan, 1973 Golden Hour of Chris Barber and his jazz Band featuring Vocals by Ottilie Patterson and Clarinet by Monty Sunshine , 1974 Echoes of Ellington, Vol. 1, 1976 Echoes of Ellington, Vol. 2, 1976 Echoes of Ellington, 1978 Take Me Back to New Orleans, 1980 Concert for the BBC, 1982 Copulatin' Jazz: The Music of Preservation Hall, 1993 Live at the BP Studienhaus, 1997 Cornbread, Peas & Black Molasses, (live) 1999 The Big Chris Barber Band with Special Guest Andy Fairweather Low: As We Like It, 2009 Chris Barber's Jazz Band, Chris Barber 1957–58, 2009 The Chris Barber Jazz & Blues Band, Barbican Blues, 2009 The Big Chris Barber Band, Barber At Blenheim, 2009 Chris Barber's Jazz Band with Sonny Terry & Brownie McGhee, Sonny, Brownie & Chris, 2009 Chris Barber Memories Of My Trip, 2011
Kjelder
Denne artikkelen bygger på «Chris Barber» frå , den 1. juni 2018. oppgav desse kjeldene:
Bakgrunnsstoff
Offisiell nettstad
[ Chris Barber @ Allmusic]
Kategori:Folk frå Welwyn Garden City Kategori:Dixieland jazz-musikarar Kategori:Engelske bandleiarar Kategori:Engelske jazzmusikarar Kategori:Engelske jazzbandleiarar Kategori:Engelske jazztrombonistar Kategori:Order of the British Empire Kategori:Skiffle Kategori:Musikarar frå Hertfordshire