«Day After Day» er ein song av det britiske rockebandet Badfinger frå albumet Straight Up i 1971. Han vart skriven av Pete Ham og produsert av George Harrison, som òg spelar slidegitar på innspelinga. Songen vart gjeven ut på singel og vart ein av dei største hittane til Badfinger. Singelen nådde fjerdeplassen på singellista i USA og selde til gullplate.
Innspeling «Day After Day» vart skriven og sungen av Pete Ham. Innspelinga var produsert av George Harrison, som òg spelar slidegitar på songen i lag med Ham. Leon Russell spelar piano på albumet. Sidan songen var uferdig då Harrison måtte gje seg som produsent for å konsentrere seg om Concert for Bangladesh, vart den endelege miksen gjort av Todd Rundgren, som tok over som produsent på Straight Up etter Harrison.
Utgjeving Songen kom ut på singel i USA i november 1971 (januar 1972 andre stader) og vart den største hitten til Badfinger der. Singelen nådde fjerdeplassen på Billboard Pop Singles-lista. Han nådde òg tiandeplassen på UK Singles Chart i januar 1972. Han er ein av dei mest kjende songane til bandet, og er særleg kjend for slidegitarsoloane. Singelen selde til gullplate i mars 1972 og vart den første og einaste gullplata deira. «Day After Day» nådde tiandeplassen på Easy Listening-lista.
Medverkande Badfinger Pete Ham – solovokal, akustisk gitar, slidegitar Tom Evans – korvokal, bassgitar Joey Molland – korvokal, akustisk gitar Mike Gibbins – trommer, perkusjon
Andre medverkande George Harrison – slidegitar Leon Russell – piano
Salslister
Vekeslister Liste (1971–72)PlasseringAustralian Go-Set National Top 407Australske Kent Music Report6Kanadiske RPM 1002New Zealand Listener Chart3UK Singles Chart10US Billboard Hot 1004US Cash Box Top 1003US Record World Singles Chart1
Årslister Liste (1972)PlasseringCanada52US Billboard Hot 100«Top Pop 100 Singles» Billboard 30. desember 1972: TA-339US Cash Box48
Andre versjonar I 1972 gav The Lettermen ut songen på albumet Lettermen - 1. I 1972 spelte Engelbert Humperdinck inn songen for albumet sitt In Time. I 1986 spelte Savatage inn songen på albumet deira Fight for the Rock. I 1990 spelte Dreams So Real inn songen for albumet deira Gloryline. I 1990 spelte synthpopbandet Exotic Birds inn songen for albumet deira Equilibrium. I 2006 spelte Rod Stewart inn songen på albumet sitt Still the Same… Great Rock Classics of Our Time. I 2006 spelte Neal Morse inn songen på albumet sitt Cover to Cover. I 2008 spelte Midge Ure inn songen på albumet sitt 10.
Kjelder Denne artikkelen bygger på «Day After Day (Badfinger song)» frå , den 10. juni 2018. oppgav desse kjeldene:
Bakgrunnsstoff
Kategori:Songar frå 1971 Kategori:Badfinger-songar Kategori:Apple Records-singlar Kategori:Singlar frå 1971 Kategori:Singlar frå 1972 Kategori:Songar skrivne av Pete Ham Kategori:Songar produserte av George Harrison Kategori:Balladar frå 1970-åra Kategori:Popballadar Kategori:Rockeballadar Kategori:The Lettermen-songar Kategori:Engelbert Humperdinck-songar Kategori:Rod Stewart-songar Kategori:Midge Ure-songar