Nikolaj Javkovlevitsj Smaga, ukrainsk Mykola Smaha, () var ein friidrettsutøvar frå Bobrovo i Sumy oblast som i 1971 vart europameister i 20 km kappgang og elles vann to EM-bronsar og i 1968 OL-bronse på same distansen. Han tevla for Sovjetunionen.
Smaga vart tredjemann i 20 kilometer kappgang i tre store meisterskap på rad. Ved EM 1966 måtte han sjå seg frågått av austtyskaren Dieter Lindner og sin eigen landsmann Volodimir Holubnitsjij. To år seinare rykte Holubnitsjij til topps då same distansen fann stad under sommarleikane i Mexico, knapt to sekundar framom arrangørlandets José Pedraza, medan Smaga tok bronsen, berre fem sekundar bak Holubnitsjij. Også i EM 1969 gjekk Smaga inn til bronsemedalje, britiske Paul Nihill vann tevlinga og Leonida Caraiosifoglu frå Romania vart nummer to, 14 sekund føre Smaga.
Den 10. august 1971 gjekk Smaga inn til gull på spesialdistansen under europameisterskapen i Helsinki, 9 sekund framom Gerhard Sperling frå Aust-Tyskland og 14 framom førnemnde Paul Nihill. Året etter vart Smaga femtemann på 20 km ved Sommar-OL i München, nøyaktig minuttet bak bronsevinnaren i mål.
Medaljar og plasseringar i internasjonale meisterskap EM 1966 i Budapest: Bronsemedalje – 1.30.18 OL 1968 i Mexico by: Bronsemedalje – 1.34.03 EM 1969 i Aten: Bronsemedalje – 1.31.20 EM 1971 i Helsinki: Gullmedalje – 1.27.20, framom Gerhard Sperling (1.27.29) OL 1972 i München: Nr 5 – 1.28.16
Smaga døydde i Kiev, 42 år gammal.
Kjelder Denne artikkelen bygger på «Mykola Smaha» frå , den 9. august 2018.
World Athletics
Kategori:Ukrainske kappgjengarar Kategori:Sovjetiske kappgjengarar Kategori:Europameistrar i friidrett for Sovjetunionen Kategori:Olympiske bronsemedaljevinnarar for Sovjetunionen Kategori:Medaljevinnarar under sommar-OL 1968 Kategori:Sovjetiske deltakarar under sommar-OL 1968 Kategori:Friidrettsutøvarar under sommar-OL 1968 Kategori:Sovjetiske deltakarar under sommar-OL 1972 Kategori:Friidrettsutøvarar under sommar-OL 1972