«La Grange» er ein song av den amerikanske rockegruppa ZZ Top, frå albumet Tres Hombres frå 1973. Det var ein av dei mest suksessrike songane til ZZ Top då han kom ut på singel i 1973 og vart mykje spelt på radio. Han nådde 41. plassen på Billboard Hot 100 i 1974. Songen syner til eit bordell i utkanten av La Grange i Texas (seinare kalla «Chicken Ranch»). Bordellet har vore tema i ein Broadway-musikal og filmen The Best Little Whorehouse in Texas med Dolly Parton og Burt Reynolds.
Den første gongen ZZ Top spelte songen i La Grange i Texas var under Fayette County Fair den 5. september 2015.
Informasjon I mars 2005 rangerte magasinet Q «La Grange» på 92. plassen på lista si over dei 100 beste gitarsongane. Songen vart òg rangert på 74. plassen på ei tilsvarande liste av Rolling Stone. Rolling Stone kalla songen «...ein standard for gitaristar som vil syne kva dei er god for.». Rolling Stone.
Den første rytmen i songen er basert på ein tradisjonell boogie bluesrytme nytta av John Lee Hooker i «Boogie Chillen'» og av Slim Harpo i «Shake Your Hips». Eit mislukka søksmål av innehavaren av opphavsretten til «Boogie Chillen'» enda med at retten avsa kjennelsen om at rytmen var i offentleg eige. Linja «a-how-how-how-how» er sitert frå John Lee Hooker-songen «Boom Boom».
Salslister Liste (1974)PlasseringAustralia (Go-Set National Top 40)15Australia (Kent Music Report)21Frankrike (IFOP)58US Billboard Hot 10041US Cash Box24US Record World33
Medverkande Frank Beard – trommer Billy Gibbons – gitar, vokal Dusty Hill – bassgitar
Kjelder
Denne artikkelen bygger på «La Grange (song)» frå , den 30. september 2018. oppgav desse kjeldene:
Kategori:Singlar frå 1973 Kategori:London Records-singlar Kategori:ZZ Top-songar Kategori:Songar om Texas Kategori:Songar skrivne av Billy Gibbons Kategori:Songar skrivne av Dusty Hill Kategori:Songar skrivne av Frank Beard