Per Tomas Brolin () er ein svensk tidlegare fotballspelar frå Hudiksvall som var sentral då Sverige vann bronsen under VM i fotball 1994, året etter ha vann cupvinnarcupen med Parma FC. Brolin vert rekna som Sveriges beste fotballspelar den fyrste halvdelen av 1990-åra, kåra til årets spelar 1990 og 1994.
Klubbspel Brolin spelte 1985-87 på fjerdedivisjonslaget Näsvikens SK. Etter tre sesongar hos GIF Sundsvall, spelte han våren 1990 på Norrköping. Allereie i september 1990 vart han overført til italienske Parma FC, der han i fem sesongar bidrog mykje til lagets suksess. Klubben vann den nasjonale cupen i 1992 og cupvinnarcupen 1993, men tapte finalen i cupvinnarcupen 1994. I november 1995 vart han overført til Leeds United. Heller svake prestasjonar gjorde at han vart sett ut av fyrstelaget og han prøvde seg så i FC Zürich og på ny i Parma FC, utan å imponere. Vårsesongen 1998 var Brolin aktiv i London-klubben Crystal Palace. Han la opp sommaren 1998, etter tre år i svak form.
Landslagsspel Brolin debuterte på det svenske landslaget i april 1990 og skåra to av måla då Wales vart slått 4-2. Han skåra eitt mål under VM i fotball 1990, der Sverige rauk ut i gruppespelet. To år seinare vart Brolin matchvinnar både mot Danmark og England då EM i fotball 1992 fann stad på svensk heimebane. Han skåra også då Sverige tapte semifinalen mot Vest-Tyskland med 2-3. Under VM i fotball 1994 i USA markerte han seg som den drivande krafta bak Sverige suksess som vart fullført med 4-0 over Bulgaria i bronsefinalen. Etter eit beinbrot i ein landskamp mot Ungarn i november 1994, fekk Brolin fem kampar i landslagsdrakta utover sommaren-hausten 1995 før han vart vraka. Han spelte i alt 47 landskampar og skåra 27 mål.
Merittar VM-bronse: 1994 for Sverige Vinnar av cupvinnarcupen: 1993 med Parma FC Italiensk cupmeister: 1992 med Parma FC Finalist i den engelske ligacupen: 1996 med Leeds United
Kjelder Denne artikkelen bygger på «Tomas Brolin» frå , den 6. oktober 2018.
eu-football
Kategori:Spelarar i Fotball-VM 1990 Kategori:Spelarar i Fotball-EM 1992 Kategori:Spelarar i Fotball-VM 1994 Kategori:Svenske fotballspelarar Kategori:Parma-spelarar Kategori:Leeds-spelarar Kategori:Crystal Palace-spelarar Kategori:Norrköping-spelarar Kategori:Zürich-spelarar