Moore Town er ein landsby på Jamaica. Han ligg i Portland Parish, aust i landet, km aust for hovudstaden Kingston. Moore Town ligg i Blue Mountains og John Crow Mountains, moh. I 2009 hadde han 1 106 innbyggjarar.
Moore Town er ein tradisjonell busetnad for maroonar, ei folkegruppe opphavleg skipa av rømde slavar. Han er den austlegaste av maroon-busetnadane og ligg heilt aust i Portland Parish.Bev Carey, The Maroon Story: The Authentic and Original History of the Maroons in the History of Jamaica 1490-1880 (Kingston, Jamaica: Agouti Press, 1997), s. 413-423.
Historie Busetnaden blei grunnlagd som New Nanny Town i 1740 etter ein fredsavtale mellom britane og Windward-maroonane etter den første maroonkrigen. Nanny var namnet på leiaren til desse folka då dei budde i «gamle» Nanny Town, og kanskje også etter at dei flytta til den nye.
Frå 1760 byrja kolonistyresmaktene å omtala byen som Moore Town eller Muretown. Dette skal vera ei oppkalling etter fungerande guvernør sir Henry Moore. På denne tida byrja også dei kvite oppsynsmennene som var utpeikte av styresmaktene å få ei sterkare stilling.Barbara Kopytoff, ‘Jamaican Maroon Political Organization: the Effects of the Treaties’, Social and Economic Studies, Vol. 25, No. 2 (1976), pp. 87, 97. Då konflikten kjend som Tacky's Revolt eller Tacky's War braut ut i mai 1760 blei maroonane i Moore Town kommanderte ut for å slost mot opprørarane. I tiåret som følgde prøvde ein maroon-offiser kalla Clash å utfordra autoriteten til oppsynsmannen, men lukkast ikkje fordi han ikkje hadde støtte frå dei andre maroonane.Siva, After the Treaties, s. 68-73.
I 1774 blei ein maroonleiar frå Charles Town, Samuel Grant, skulda for å ha drepe ein kaptein Townshend (som var kvit) og den svarte slaven hans medan han jakta på rømlingar i Hellshire. Grant flykta til Moore Town for å søka tilflukt. Admiral George Rodney, som då var i Kingston, sende ein flåte til Port Antonio i påvente av eit mogleg maroonopprør.Andrew O’Shaughnessy, An Empire Divided: The American Revolution and the British Caribbean (Philadelphia: University of Pennsylvania Press, 2000), s. 147. Den kvite oppsynsmannen i Moore Town overtalte folka der til å overgje Grant, som blei stilt for retten i Spanish Town. Til stor overrasking for dei lokale plantasjestyrarane blei Grant frifunnen for drapet på Townshend.Siva, After the Treaties, s. 75-6.
Den best kjende oppsynsmannnen for Moore Town was løytnant George Fuller, som hadde stillinga frå 1809 til 1823. Rolla blei avskaffa på 1850-talet.Bev Carey, The Maroon Story: The Authentic and Original History of the Maroons in the History of Jamaica 1490-1880 (Kingston, Jamaica: Agouti Press, 1997), s. 560. Då Jamaica oppnådde sjølvstende i 1962 anerkjende styresmaktene maroonane sin suverenitet. Moore Town blir styrt av råd med 24 medlemmer og ein vald leiar. Leiaren blir gjeven tittelen «Colonel», men kan også kallast «chief», eller 'høvding'. Moglege leiarar stiller ikkje sjølv til val, men blir valde ved akklamasjon etter at andre har spurt dei om å stilla. Ernest Downer var Colonel frå 1952 til 1964. C.L.G Harris hadde stillinga frå 1964 til 1995, og Wallace Sterling blei vald til Colonel i 1995.
Kjelder
Denne artikkelen bygger på «Moore Town» frå og «Moore Town, Jamaica» frå , den 12. oktober 2018.
Kategori:Portland Parish Kategori:Maroonar på Jamaica Kategori:Skipingar i 1740