Jesse Louis Jackson Sr. () var ein amerikansk menneskerettsaktivist, politikar og baptistpastor.Schmidt, Regin: Jesse Jackson i Lex på lex.dk. Henta 17. februar 2026.
Liv og virke Etter universitets- og teologistudiar byrja han å arbeida for Martin Luther King, og blei ein av hans næraste. Saman organiserte dei borgarrettsorganisasjonen Southern Christian Leadership Conference (SCLC). Mot slutten av 1960-talet var Jackson leiar for Operation Breadbasket, ein organisasjon vigd til å betra dei økonomiske vilkåra for afroamerikanarar. I 1971 grunnla han People United to Serve Humanity (PUSH), ein organisasjon for sjølvhjelp for afroaamerikanarar, og i 1984 grunnla han Rainbow Coalition. Desse er sidan gått saman til Rainbow/PUSH.
I 1980-åra blei Jackson ein velkjend politikar og talsmann i borgarrettsspørsmål og for den afroamerikanske befolkningsgruppa. I 1984 og 1988 dreiv han kampanjar for å bli presidentkandidat for Det demokratiske partiet.
Han har deretter blant anna støtta Bill Clinton og til tider vore rådgjevar for han. Jackson har også agert internasjonalt og ved fleire høve bidrege til å få amerikanske fangar og gislar frigjeven. Han har også vore ein kritikar av amerikansk utanrikspolitikk i Midtausten og Latin-Amerika, som i samband med Irak-krigen.
I 2013 blei Jackson tildelt den sørafrikanske Ordenen følgjesvener av O.R. Tambo.«Media Statement by the Chancellor of the National Orders, Dr Cassius Lubisi» , Sør-Afrikas presidentembete, 22. april 2013.
Kjelder
Denne artikkelen bygger på «Jesse Jackson» frå , den 28. oktober 2018.
Bakgrunnsstoff
Kategori:Afroamerikanske aktivistar Kategori:USA-amerikanske aktivistar Kategori:USA-amerikanske prestar Kategori:USA-amerikanske politikarar Kategori:Presidentens Fridomsmedalje