Vladimir Viktorovitsj Kiseljov () var ein ukrainsk friidrettsutøvar, fødd i Myski i dåverande Kemerovo oblast i Russland, Han vart olympisk meister i kulestøyt under Sommar-OL 1980 i Moskva der han representerte Sovjetunionen.
Aktiv Kiseljov voks opp i Krementsjuk i Ukraina. I mars 1979 vart han med sine 20,01 meter tredjemann i innandørs-EM, bakom finnen Reijo Ståhlberg (20,47 m) og briten Geoff Capes (20,23 m). Året etter tok Kislejov leiinga i OL-finalen i kulestøyt med eit støyt på 21,10 m. I den sjette og siste finaleomgangen auka han til 21,35 og ny olympisk rekord. Dermed vann han gullmedaljen med god margin til landsmannen Aleksandr Barysjnikov som fekk 21,08 m i teljande resultat, og verdsrekordhaldaren Udo Beyer frå Aust-Tyskland, målt til 21,06 m.
Ved EM i friidrett 1982 vart Kiseljov sjuandemann i kuletevlinga etter kula landa på 20,40 m. Same året vart han sovjetmeister i kulestøyt, ein prestasjon han gjentok i 1984. Kiseljov deltok ikkje i Sommar-OL 1984, ettersom Sovjetunionen boikotta leikane i Los Angeles. I staden sette han livsrekord med 21,58 meter under eit stemne i Moskva den 17. august, eit støyt lengre enn det den olympiske meisteren presterte i Los Angeles seks dagar i førevegen.
Medaljar og plasseringar i internasjonale meisterskap OL 1980 i Moskva: Gullmedalje – 21,35 m, framom Aleksandr Barysjnikov (21,08 m) EM 1982 i Aten: Nr 7 – 20,40 m
Kjelder Denne artikkelen bygger på «Wolodymyr Kysseljow» frå , den 31. mai 2019.
World Athletics
Kategori:Ukrainske kulestøytarar Kategori:Sovjetiske kulestøytarar Kategori:Olympiske meistrar for Sovjetunionen Kategori:Medaljevinnarar under sommar-OL 1980 Kategori:Sovjetiske deltakarar under sommar-OL 1980 Kategori:Friidrettsutøvarar under sommar-OL 1980