Ånon (Odd) Egeland () i Oslo) er ein norsk musikar og pedagog, cand.mag. ved Universitetet i Oslo. Han er mest kjend som spelemann på hardingfele, munnharpe og fløyte (mellom anna beinfløyte, sjøfløyte, dobbel seljefløyte). Han er særleg kjend for si omfattande kunnskap om folkemusikken i Agder, og har lært av spelemenn som Andres K. Rysstad, Sigurd Fjeldstad, Trygve Eftestøl og Salve Austenå. Fleire av slåttane han har lært og ført vidare har gått inn i repertoaret til yngre spelemenn, og han har ein særleg høg status i det svenske folkemusikkmiljøet.
Han har fleire plateutgjevingar, konsertar og studioinnspelingar bak seg, og vann Spellemannprisen i 1977. I ein kvartett med Svein Westad, Rune Martinsen og Hallgrim Berg turnerte han med verket Partita for fire munnharper av Arne Nordheim (2004).
Egeland var sentral i etableringa av folkemusikklinja på folkehøgskolen i Fagernes, der han også underviste (1988-96). Han er i dag høgskolelektor ved Høgskolen i Telemark, institutt for folkekultur på Rauland i Vinje.
Utgjevingar I heitaste slåtten, med Per Midtstigen, Grappa Musikkforlag LP 1977; Heilo/Grappa CD HCD7071 1999 Norske strøk, med Per Midtstigen, Grappa Musikkforlag, HK7014, 1982 For borgere og bønder, med Hans Olav Gorset, Polygram NKFCD 50025-2, 1989 Höök, med Magnus Gustavsson, Mikael Marin, Susanne Rosenberg and Mads Olovsson. Drone DROCD007, 1995 Folk Music from Norway, m.fl. Grappa Musikkforlag HCD 7078, 1993 Musikk fra Christopher Hammers tid, med Lars Klevstrand, Knut Johannesen, L. Solberg o.a. Utgjeven med boka «Christopher Hammer Norsk Kogebog 1793», Hroar Dege Landbruksforlaget, 1994 Segner Syng, med Ragnhild Furholt, Grappa Musikkforlag HCD 7128, 1997 Norsk Folkemusikk 2 (Agder), Grappa Musikkforlag GRCD4062, 1997 Skjemt og sjanti, med Frode Nyvold, Grappa Musikkforlag HCD 7137, 1998 Ånon, Grappa Musikkforlag HCD 7136, 1999; NorthSide (USA) NSD6037, 1999 Slåtter på Vandring, m.fl. Musikk til «reisande spelemenn», dobbel-CD, 2002 Utmerkingar Spellemannprisen 1977 nominasjon i 1982 og 1990
Egeland, Ånon Egeland, Ånon Egeland, Ånon Kategori:Vinnarar av Spellemannprisen