mini|Utbreiinga til Den gylne horden i 1389
Den gylne horden (mongolsk Altan Orda) var ein mongolsk stat som oppstod i delar av dagens Russland, Ukraina og Kasakhstan etter delinga av Mongolriket på 1240-talet. På sitt største omfatta området Den gylne horden herska over mesteparten av europeisk Russland frå Uralfjella til Karpatane og langt inn i Sibir. I sør grensa landet til Horden til Svartehavet, Kaukasus og territoria til det mongolske Ilkhanatet.
Hovudstaden til Den gylne horden var Saraj, ei nemning for to ulike byar som begge låg nær elva Akhtuba.
Avløysarstatar Etter at Den gylne horden braut saman oppstod det ulike khanat (statar styrte av khanar) i det tidlegare territoriet til staten, som: Astrakhan-khanatet Kazan-khanatet Krim-khanatet Sibir-khanatet
Kazan blei erobra av russarane i 1552, Astrakhan i 1556 og Sibir-khanatet i 1582. Krim-khanatet overlevde, til dels som ein vasall av Det osmanske riket, fram til 1783.
Kjelder
Denne artikkelen bygger på «Den gylne horde» frå , den 5. juli 2019.
Kategori:Russisk historie Kategori:Mongolriket Kategori:Mongolske statar Kategori:Skipngar på 1200-talet Kategori:Nedleggingar på 1500-talet Kategori:Tidlegare land i Asia