Mascarin Peak (fram til 2003 kalla State President Swart Peak) er den høgaste toppen på Marion Island, med ei høgd på 1 230 meter. Marion Island er den største av Prince Edwardøyane, som ligg i den subantarktiske delen av Indiahavet og tilhøyrer Sør-Afrika. Mascarin Peak er den einaste aktive vulkanen i Sør-Afrika. Det siste utbrotet skjedde i 2004.
Toppen har namn etter Marion du Fresne sin fregatt «Le Mascarin», som sigla forbi øygruppa i 1772. Før 2003 hadde han namn etter Charles Robberts Swart, den siste generalguvernøren av Unionen Sør-Afrika og den første statspresidenten av Republikken Sør-Afrika.
Kjelder
Denne artikkelen bygger på «Mascarin Peak» frå , den 19. august 2019.
Kategori:Fjell i Sør-Afrika Kategori:Prince Edwardøyane