Kaptein Sabeltann og hemmeligheten i Kjuttaviga er ei teaterførestilling med manus og musikk av Terje Formoe spelt i Kristiansand Dyrepark sommaren 1994 og i Asker i 1995. Ho var den andre barne- og familieførestillinga om Formoe-figuren Kaptein Sabeltann (etter Kaptein Sabeltann og skatten i Kjuttaviga).

Då førestillinga blei spelt på Hvalstrand i Asker sommaren 1995 gjekk stykket under namnet Kaptein Sabeltann og grusomme Gabriels hemmelighet. Dette var pga. brotet mellom Terje Formoe og Kristiansand Dyrepark. Kjuttaviga er namnet på staden der Kaptein Sabeltann-førestillingane blir haldne i dyreparken.

Førestillinga blei filma sommaren 1994 og gjeven ut på VHS av Egmont seinare på året. Stykket blei òg gjeve ut på lydbok.

Handling Det har gått eit par år sidan Kaptein Sabeltann forsvann frå Kjuttaviga etter å ha tapt fektekampen mot Sjømannen Ruben. Tante Bassa er så letta og glad at ho går omkring å trallar og syng i vertshuset nesten heile dagen. Sjørøvarguten Pinky frå føre episode har flytta inn i Kjuttaviga og blitt Ruben sin medhjelpar. Sunniva, Tante Bassa og Ruben driv med å stella i stand eit overraskingselskap for Pinky, som har fødselsdag, men trur han har greidd å halda det hemmeleg for venane sine. I skuggane lurar sjørøvarar som er i ferd med å innta Kjuttaviga igjen.

Medverkande

Terje Formoe som Kaptein Sabeltann Audun Meling som Langemann Ingolf Karinen som Pelle Pirat Knut Haugmark som Pysa Pirat Ol-Hermann Gudim Lundberg som Pysa Pirat (på nokre førestilligar i 1995 på Hvalstrand) Morten Usterud som Pinky Janne Formoe som Sunniva Svein Haagensen som Sjømannen Ruben Den Røde Linda Tørklep som Tante Bassa

Songar

Vi seiler vår egen sjø (berre i 1995) Nå Kommer Sabeltann Langemanns Sang Bursdagssang To Øyne (Ser Bedre Enn Ett) Kanskje Sjørøversang Sabeltanns Lov Grusomme Gabriels Spøk Bryllupssang

Kassett- og CD-utgjeving I 1994 blei førestillinga gjeven ut på kassett og CD av Grappa Musikkforlag. Utgjevinga har ei lengd på ca 1 time.

VHS- og DVD-utgjeving Den 16.-19. juli 1994 vart det gjorde opptaket av førestillinga. Det blei først vist på NRK og seinare på hausten lansert på video av Egmont. Denne versjonen varer i 65 minutt.

Kjelder

Denne artikkelen bygger på «Kaptein Sabeltann og hemmeligheten i Kjuttaviga» frå , den 29. juni 2020.

Kategori:Kristiansand Dyrepark Kategori:Kaptein Sabeltann Kategori:Kultur i 1994 Kategori:Kultur i 1995 Kategori:Norske musikalar