What's New er det tolvte studioalbumet til den amerikanske songaren Linda Ronstadt, gjeve ut i 1983. Det representerer det første i ein trilogi av album Ronstadt spelte inn i 1980-åra med bandleiaren og arrangøren Nelson Riddle. John Kosh seigna plateomslaga for alle dei tre albuma.
Produksjon Albumet var ei stor stilendring for Ronstadt, som vart rekna som dei leiande kvinnelege rockevokalisten på denne tida. Både plateselskapet og manageren hennar, Peter Asher, var særs motvillige til å la Ronstadt lage dette albumet, men ho klarte å overtyde dei og brakte denne musikken frå swing-æraen og tida før ut til ein ny generasjon. Songane ho spelte var tidlegare blitt sungne av Frank Sinatra, Ella Fitzgerald, Tony Bennett, Rosemary Clooney, Peggy Lee og andre, som i 1960- og 1970-åra var redusert til Las Vegas-artistar og heismusikk. Ronstadt sa seinare at ho tok del i å redde desse songane ho kalla «små juvelar av kunstnarisk uttrykk» frå «å bruke resten av liva sine på å køyre opp og ned i ein heis.» Dena ndre singelen frå albumet, «I've Got a Crush on You» hadde alt vore ein del av repertoaret til Ronstadt i fleire år, og ho hadde spelt han i 1980 på The Muppet Show.
Mottaking
What's New kom ut i september 1983 og låg 81 veker inne på albumlista til Billboard. Utgjevinga kom samstundes med at radioformatet Adult Standards byrja å sende program som spesialiserte seg på popmusikk frå tida før rock and roll slo gjennom og songar frå Great American Songbook til amerikanske lyttarar. Albumet låg fem veker på rad på tredjeplassen på albumlista, bak Michael Jackson sitt Thriller og Lionel Richie sitt Can't Slow Down. Albym nådde òg andreplassen på jazzalbumlista. Det selde til 3x platinaplate for over tre millionar selde eksemplar i USA aleine. Globalt selde det over fem millionar eksemplar. Ronstadt vart nominert til Grammyprisen for beste kvinnelege popsong. To singlar frå albumet, tittelsporet og «I've Got a Crush on You», vart hittar på Adult Contemporary-radio og tittelsporet gjekk inn på topp 50 på Billboard Hot 100.
Alle songane kom ut på samleplata «'Round Midnight», på Asylum Records i 1986.
Innhald
Medverkande Linda Ronstadt – vokal Don Grolnick – piano Tommy Tedesco – gitar (1-4, 6, 8, 9) Dennis Budimir – gitar (5, 7) Ray Brown – bass (1-4, 6, 8, 9) Jim Hughart – bass (5, 7) John Guerin – trommer Plas Johnson – tenorsaksofonsolo (4) Bob Cooper – tenorsaksofonsolo (6, 7) Chauncey Welsch – trombone solo (8) Tony Terran – trompet solo (2) Nelson Riddle – arrangement og dirigent Leonard Atkins – konsertmeister Nathan Ross – konsertmeister
Teknisk Peter Asher – produsent George Massenburg – lydteknikar, miksing Barbara Rooney – innspelingsassistent, mikseassistent Robert Spano – innspelingsassistent, mikseassistent Doug Sax – mastering i The Mastering Lab (Hollywood, California). Gloria Boyce – albumkoordinator John Kosh – kunstnarisk leiar, design Ron Larson – kunstnarisk leiar, design Brian Aris – fotografi Genny Schorr – stylist
Salslister Liste (1983/84)PlasseringAustralia (Kent Music Report) 26 Canada RPM Top Albums 18Storbritannia (Official Charts Company)31USA (Billboard 200) 3
Kjelder
Denne artikkelen bygger på «What's New (Linda Ronstadt album)» frå , den 7. desember 2020. oppgav desse kjeldene:
Kategori:Musikkalbum frå 1983 Kategori:Linda Ronstadt-album Kategori:Album produserte av Peter Asher Kategori:Elektra Records-album Kategori:Asylum Records-album Kategori:Tradisjonelle popalbum