«Kid Charlemagne» er ein song av den amerikanske rockegruppa Steely Dan, som kom ut på singel i 1976 frå albumet deira The Royal Scam. Singelen nådde 82. plassen på Billboard-lista.[ Steely Dan USA chart history], Billboard.com. Henta 10. januar 2021. Der er ei blanding av ein funkrytme og jazzharmoniar med rock and roll-instrumentering og tekststil. Gitarsoloen av jazzfusion-gitaristen Larry Carlton vart rangert på 80. plassen på lista over dei 100 beste gitarsoloane hos Rolling Stone, som skreiv at «Seint i 1970-åra laga Steely Dan plater ved hjelp av ei rekkje, dyktige studiomusikarar i opptak etter opptak skapte ei endelaus rekkje med gitarsoloar som gjev ein hakeslepp. Larry Carlton kosmiske jazzsolo i fleire lag på dette sporet kan vere den beste av die alle: Han er så kompleks at det er ein song i seg sjølv.». Henta 14. januar 2021.
Teksten fortel soga om korleis ein dopseljar kjem seg opp, før han fell ned i eit psykedelisk miljø i 1960-åra på Vestkysten i USA. Walter Becker og Donald Fagen, som skreiv songen, har sagt at teksten var laust basert på LSD-kjemikaren Owsley Stanley frå San Francisco.Complete transcript of Donald Fagen and Walter Becker in a BBC-Online Chat , 4. mars 2000
Medverkande Donald Fagen – solovokal, orgel Larry Carlton – sologitar Walter Becker – rytmegitar Don Grolnick – Fender Rhodes elektrisk piano Paul Griffin – Hohner Clavinet Chuck Rainey – bass Bernard Purdie – trommer Donald Fagen, Michael McDonald, Venetta Fields, Clydie King, Sherlie Matthews – korvokal
Anna bruk Kanye West sampla songen på «Champion» frå albumet Graduation i 2007. Becker og Fagen nekta først å la West bruke songen. Dei endra meining etter å ha fått eit personleg brev frå West som forklarte kor viktig songen var for han.
I TV-serien Malcolm in the Middle, i fjerde sesong episode 15, finn Hal (Bryan Cranston) ein gammal radiosendar han brukte på college for ei piratradiosending han dreiv under pseudonymet «Kid-Charlemagne».
Kjelder
Denne artikkelen bygger på «Kid Charlemagne» frå , den 14. januar 2021. oppgav desse kjeldene:
Bakgrunnsstoff
Kategori:Steely Dan-songar Kategori:Songar frå 1976 Kategori:Songar om narkotika Kategori:Songar skrivne av Donald Fagen Kategori:Songar skrivne av Walter Becker Kategori:ABC Records-singlar Kategori:Songar produserte av Gary Katz