Jeangu Macrooy () er ein surinamsk-nederlandsk songar og låtskrivar innan moderne soul. Han har budd i Nederland sidan 2014 og har hovudpublikummet sitt i Nederland, Surinam og etter kvart òg i Belgia, Frankrike og Tyskland. Macrooy skulle ha representert Nederland på heimebane i Eurovision Song Contest 2020 i Rotterdam med songen «Grow», men tevlinga vart avlyst for å hindra spreiinga av koronaviruset. I staden vart Macrooy representant for Nederland i Eurovision Song Contest 2021 med låten «Birth of a New Age».
Bakgrunn Saman med tvillingbroren Xillan Macrooy danna han bandet Between Towers i 2011. Duoen sitt fyrste og einaste album, Star sin on My Radio, vart gjeve ut i 2013.https://www.facebook.com/pg/betweentowers/about Etter å ha studert ved musikkonservatoriet i Paramaribo i to år, forlét han heimlandet og flytta til Nederland i 2014 for å studere låtskriving ved ArtEZ University of Arts i Enschede.
Under ein opptreden ved skulen, møtte Macrooy musikkprodusenten Perquisite og signerte platekontrakt med plateselskapet til Perquisite i desember 2015.https://www.facebook.com/944563722221346/posts/1116837274993989/ Debut-EP-en til Macrooy, Brave Enough, kom ut på marknaden i april 2016 og hans fyrste singel, «Gold», vart brukt av HBO i samband med ein reklamevideo for Game of Thrones.http://www.themissingsync.nl/news/jeangu-macrooy-in-ziggo-commercial/ I april 2017 slapp Macrooy debutalbumet sitt, High on You.
Utgjevinga vart etterfylgd av ein klubb-turné i Nederland og med opptredenar som oppvarmingsartist for blant andre Curtis Harding, Ayọ og Trombone Shorty. Han har òg opptredd ved fleire større musikkfestivalar, blant dei North Sea Jazz Festival og Lowlands. I desember 2017 drog Macrooy tilbake til Surinam for å halda den fyrste konserten med bandet sitt i Paramaribo. Singelen «Dance With Me» vart brukt som temalåt i den nederlandske filmen Open Seas (2018).
Det andre albumet til Macrooy, Horizon, vart gjeve ut i februar 2019. Sommaren 2019 heldt han sin fyrste større turné som hovudartist i tre store tyske byar: Köln, Hamburg og Berlin. Han spelte òg under Reeperbahn Festival i Hamburg.
10. januar 2020 annonserte nederlandsk fjernsyn at Macrooy skulle representere Nederland på heimebane i Eurovision Song Contest 2020 i Rotterdam. Han skulle delta med songen «Grow», og som vertsnasjon var Nederland direktekvalifisert til finalen laurdag 16. mai. Men tevlinga vart avlyst for å hindra spreiinga av koronaviruset. I staden fekk Macrooy representere Nederland i Eurovision Song Contest 2021 med låten «Birth of a New Age».
TV-opptredenar
De Wereld Draait Door Macrooy har vore ein jamleg gjest på det nederlandske talkshowet De Wereld Draait Door. Der har han framført sin eigen musikk og hylla ei rekkje andre artistar som Stevie Wonder, George Michael og The Blue Diamonds. Han framførte òg Bob Dylan sin «The Timest They Are a-Changin'» i ei spesialsending. I 2018–2019-sesongen framførte han òg fleire songar av Paul Simon som hadde annonsert ein avskjedsturné i 2018.
29. mars 2018 deltok Macrooy i den årlege nederlandske tv-teateret The Passion, der han spelte rolla som Judas saman med Tommie Christiaan (Jesus), Brainpower (Peter), Glennis Grace (Maria) og Arjan Ederveen (Pilatus).
Diskografi
Studioalbum TittelDetaljarHøgste listeplasseringNEDHigh on You Gjeve ut: 14. april 2017 Selskap: Unexpected Records Format: Digital nedlastning, CD69Horizon Gjeve ut: 8. februar 2019 Selskap: Unexpected Records Format: Digital nedlastning, CD—«—» markerer ei utgjeving som ikkje nådde lista eller vart utgjeve i det aktuelle landet.
Livealbum TittelDetaljarLive! Gjeve ut: 6. november 2019 Selskap: Unexpected Records Format: Digital nedlastning, CD
EP-ar TittelDetaljarBrave Enough Gjeven ut: 7. april 2016 Selskap: Unexpected Records Format: Digital nedlastning
Singlar TittelÅrHøgste listeplasseringAlbumSUR«Gold»2016—Brave Enough«To Love Is to Hurt»—«Brave Enough»—«Step into the Water»2017—High on You«Crazy Kids» (med Xillan)—"High on You"1«Tell Me Father»—«How Much I Love You»2018—Horizon«Dance with Me»—«Shake up This Place»2019—«Second Hand Lover»—«Grow»2020—«Birth of a New Age»2021–«—» markerer ei utgjeving som ikkje nådde lista eller vart utgjeve i det aktuelle landet.
Prisar og nominasjonar ÅrPrisKategoriResultat2017Edison AwardsBeste nykommar data-sort-value=#99FF99 2018Beste album (High on You) data-sort-value=#99FF99
Referansar
Denne artikkelen bygger på «Jeangu Macrooy» frå , den 29. mars 2021.
Bakgrunnsstoff
Kategori:Nederlandske songarar Kategori:Surinamske songarar Kategori:Nederlandske Eurovision Song Contest-deltakarar Kategori:Nederlandske Eurovision Song Contest-låtskrivarar Kategori:Eurovision Song Contest 2020-deltakarar Kategori:Eurovision Song Contest 2020-låtskrivarar Kategori:Eurovision Song Contest 2021-deltakarar Kategori:Eurovision Song Contest 2021-låtskrivarar