Larisa Roxana Giurgiu (), kjend under artistnamnet Roxen, er ein rumensk songar. Ho vart kjend i Romania i 2019, då ho var medartist på «You Don't Love Me» av musikkprodusenten Sickotoy. Songen nådde ein tredjeplass på den rumenske radiolista og vart spelt på radio i fleire andre land. Roxen skulle ha representert Romania i Eurovision Song Contest 2020 med songen «Alcohol You», men tevlinga vart avlyst på grunn av koronaviruspandemien i Europa vinteren 2020. I staden fekk ho representere Romania i Eurovision Song Contest 2021 med songen «Amnesia».
Bakgrunn Roxen vart fødd i Cluj-Napoca med fødenamnet Larisa Roxana Giurgiu. Allereie som sjuåring oppdaga Roxen ein lidenskap for musikk og deltok i fleire lokale talenttevlingar. Etter skulegang fekk Roxen platekontrakt med Global Records, og var seinare medartist på songen «You Don't Love Me» av Sickotoy i august 2019. Singelen fekk kommersiell suksess i Romania, og nådde tredjeplass på landet sitt Airplay 100-hitliste. Songen fekk òg speletid på radio i land som Frankrike, Russland, Spania og USA.
I november same år slapp Roxen debutsingelen «Ce-ți cântă dragostea», og songen nådde 26. plass i Romania. Hovudsjangeren hennar er deep house, ein undersjanger av house. Musikkjennarar samanliknar Roxen med artistar som Dua Lipa og Billie Eilish.
I februar 2020 var Roxen ein av kandidatane til å representere Romania i Eurovision Song Contest 2020, etter at Televiziunea Română (TVR) hadde inngått eit samarbeid med Global Records for å finne ein artist til å representere landet. 11. februar stadfesta kringkastaren at Roxen skulle vera den rumenske deltakaren i Eurovision Song Contest i Rotterdam i mai. 1. mars 2020 framførte Roxen fem songar i ein tv-send nasjonal finale. Sjåarane og ein fagjury valde deretter «Alcohol You» som songen Roxen skulle deltake med i Rotterdam. På grunn av koronavirusutbrotet i Europa vinteren 2020 såg EBU seg nøydd til å avlyse Eurovision Song Contest for å hindre spreiing av koronaviruset SARS-CoV-2 og den medfølgjande sjukdomen covid-19. I staden vedtok TVR at Roxen skulle representere Romania i Eurovision Song Contest 2021 med songen «Amnesia».
Diskografi
Singlar Som hovudartist TittelÅrHøgastelisteplasseringAlbumROM«Ce-ți cântă dragostea»20191 rowspan="8" «I Don't Care»—«Alcohol You»2020—«Spune-mi»1«How to Break a Heart»—«Wonderland»(med Alexander Rybak)—«Parte din tine»(med DJ Project)202172«Amnesia»—«—» angjev at songen ikkje nådde lista.
Som medartist TittelÅrHøgaste listeplasseringAlbumROMBUL«You Don't Love Me»(Sickotoy feat. Roxen)201937 rowspan="1"
Referansar
Denne artikkelen bygger på ««Roxen (artist)»» frå , den 8. april 2021.
Kategori:Rumenske songarar Kategori:Rumenske Eurovision Song Contest-deltakarar Kategori:Eurovision Song Contest 2020-deltakarar Kategori:Eurovision Song Contest 2021-deltakarar Kategori:Deltakarar i OGAE Second Chance Contest