Eurovision Song Contest 2022 (ESC 2022), offisielt 66. Eurovision Song Contest, var den 66. gongen Eurovision Song Contest vart arrangert. Tevlinga vart arrangert i Pala Alpitour i Torino i Italia, etter at Måneskin vann tevlinga i 2021 med songen «Zitti e buoni». Dette var den tredje gongen Italia arrangerte tevlinga, etter at landet var vertskap for tevlinga i 1965 og 1991.
Semifinalane vart arrangerte 10. og 12. mai, medan finalen vart arrangert 14. mai. Programleiarane for tevlinga var Laura Pausini, Alessandro Cattelan og Mika.
40 land deltok i Eurovision Song Contest i 2022. Russland skulle opphavleg ha delteke i Torino, men 25. februar 2022 vart landet utestengt frå tevlinga som følgje av den russiske invasjonen av Ukraina 24. februar 2022.
Bakgrunn Italia vann Eurovision Song Contest 2021 i Rotterdam i Nederland med «Zitti e buoni» og gruppa Måneskin. Dette var tredje gongen Italia vann tevlinga, etter at Gigliola Cinquetti vann i 1964 med «Non ho l'età» og Toto Cutugno i 1990 med «Insieme: 1992». Som vinnar av 2021-tevlinga, vann Italia også retten til å arrangere Eurovision Song Contest i 2022. Dette var den tredje gongen landet arrangerte Eurovision Song Contest. Tevlinga vart arrangert av den italienske ålmennkringkastaren Rai i samarbeid med Den europeiske kringkastingsunionen.
Format Produksjon Eurovision Song Contest 2022 vart produsert av den italienske ålmennkringkastaren Radiotelevisione italiana (Rai), i samarbeid med EBU. Claudio Fasulo og Simona Martorelli var sjefsprodusentar, mens Cristian Biondani og Duccio Forzano var produsentar for dei tre direktesendingane.
Slagord, logo og visuelt design Slagordet for Eurovision Song Contest 2022, The Sound of Beauty (ljoden av venleik), vart offentleggjort 21. januar 2022. Det visuelle designet vart presentert under ein pressekonferanse 24. januar 2022.
Den 22. november 2021 kunngjorde det Roma-baserte studioet Atelier at Rai hadde vald dei til å designe scena for tevlinga. Studioet hadde gjort liknande oppdrag tidlegare, blant anna Sanremo-festivalen i 2013 og 2019. Dette var fyrste gongen sidan 2016 at scenedesignet i Eurovision vart utført av nokon andre enn den tyske designaren Florian Wieder.
Programleiarar I eit intervju med det italienske nyheitsbyrået ANSA i desember 2021 stadfesta Stefano Coletta, kanalsjef i Rai 1, at programleiarane for Eurovision Song Contest 2022 skulle offentleggjerast under Sanremo-festivalen 2022. Under Sanremo-festivalens andre show 2. februar 2022 stadfesta Rai at dei internasjonalt kjende artistane Laura Pausini og Mika, samt tv-personlegdomen Alessandro Cattelan vert programleiarar for Eurovision Song Contest 2022.
Andre hendingar I tillegg til dei to semifinalane og finalen var det fleire andre tilstellingar i Torino under Eurovision-veka. Den faste Eurovision-landsbyen, Eurovision Village, var tevlingas offisielle festivalområde for besøkjande, fans og delegasjonar. Landsbyen låg på Parco del Valentino, og der vart det haldne ei rekkje konsertar og tevlingar i dagane før finalen.
Deltakande land
Semifinale 1 Sytten land deltok i den fyrste semifinalen tysdag 10. mai 2022 klokka 21:00 CEST. Dei ti beste bidraga kvalifiserte seg til finalen. Dei førehandskvalifiserte landa Frankrike og Italia framførte og røysta i denne semifinalen. Russland skulle opphavleg ha delteke som det attande landet i denne semifinalen, men 25. februar 2022 vart det utestengt frå tevlinga som følgje av den russiske invasjonen av Ukraina dagen før. Under er deltakarane i den fyrste semifinalen i rekkefølgja dei skulle opptre.
# Land Artist Song Språk Omsetjing Plass Poeng01 Ronela Hajati «Sekret» Albansk og engelsk Hemmeleg 12 5802 Citi Zēni «Eat Your Salad» Engelsk Et salaten din 14 5503 Monika Liu «Sentimentai» Litauisk Kjensler 7 15904 Marius Bear «Boys Do Cry» Engelsk Gutar græt 8 11805 LPS «Disko» Slovensk Disko 17 1506 Kalush Orchestra «Stefania» Ukrainsk Stefania 1 33707 Intelligent Music Project «Intention» Engelsk Intensjon 16 2908 S10 «De diepte» Nederlandsk Djupet 2 22109 Zdob și Zdub og Frații Advahov «Trenulețul» Rumensk og engelsk Tog 8 15410 Maro «Saudade, saudade» Engelsk og portugisisk Lengsle, lengsle 4 20811 Mia Dimšić «Guilty Pleasure» Engelsk og kroatisk Skuldig nyting 11 7512 REDDI «The Show» Engelsk Showet 13 5513 LUM!X med Pia Maria «Halo» Engelsk Glorie 15 4214 Systur «Með hækkandi sól» Islandsk Med stigande sol 10 10315 Amanda Tenfjord «Die Together» Engelsk Døy saman 3 21116 Subwoolfer «Give That Wolf a Banana» Engelsk Gje den ulven ein banan 6 17717 Rosa Linn «Snap» Engelsk Klikke 5 187
Semifinale 2 Atten land deltok i den andre semifinalen torsdag 12. mai 2022 klokka 21:00 CEST. Dei ti beste bidraga kvalifiserte seg til finalen. Dei førehandskvalifiserte landa Spania, Storbritannia og Tyskland framførte og røysta i denne semifinalen. Under er deltakarane i den andre semifinalen i rekkefølgja dei skulle opptre.
# Land Artist Song Språk Omsetjing Plass Poeng01 The Rasmus «Jezebel» Engelsk — 7 16202 Michael Ben David «I.M» Engelsk Eg er 13 6103 Konstrakta «In corpore sano» Serbisk og latin I ein sunn kropp 3 23704 Nadir Rüstəmli «Fade to Black» Engelsk Vert svart 10 9605 Circus Mircus «Lock Me In» Engelsk Lås meg inn 18 2206 Emma Muscat «I Am What I Am» Engelsk Eg er kven eg er 16 4707 Achille Lauro «Stripper» Italiensk og engelsk Strippar 14 5008 Sheldon Riley «Not the Same» Engelsk Ikkje den same 2 24309 Andromache «Ela» Engelsk og gresk — 12 6310 Brooke Scullion «That’s Rich» Engelsk Det er rikt 15 4711 Andrea Koevska «Circles» Engelsk Sirklar 11 7912 Stefan «Hope» Engelsk Håp 5 20913 Wrs «Llámame» Engelsk og spansk Ring meg 9 11814 Krystian Ochman «River» Engelsk Elv 6 19815 Vladana «Breathe» Engelsk og italiensk Puste 17 3316 Jérémie Makiese «Miss You» Engelsk Saknar deg 8 15117 Cornelia Jakobs «Hold Me Closer» Engelsk Hald meg nærare 1 39618 We Are Domi «Lights Off» Engelsk Ljosa av 4 227
Finalen Finalen vart arrangert laurdag 14. mai klokka 21.00 CEST, og 25 land deltok: dei fem store landa (inkludert vertslandet Italia), dei ti beste frå semifinale 1 og dei ti beste frå semifinale 2. Under er landa som var klare for finalen. Vertslandet Italia trekte startnummer 9 under delegasjonsmøtet 15. mars 2022, mens den endelege rekkefølgja vart avgjord av produsentane og EBU så fort alle finalistane var klare 12. mai. # Land Artist Song Språk Omsetjing Plass Poeng01 We Are Domi «Lights Off» Engelsk Ljosa av 22 3802 Wrs «Llámame» Engelsk og spansk Ring meg 18 65103 Maro «Saudade, saudade» Engelsk og portugisisk Lengsle, lengsle 9 20704 The Rasmus «Jezebel» Engelsk — 21 3805 Marius Bear «Boys Do Cry» Engelsk Gutar græt 17 7806 Alvan & Ahez «Fulenn» Bretonsk Gneist eller ung jente 24 1707 Subwoolfer «Give That Wolf a Banana» Engelsk Gje den ulven ein banan 10 18208 Rosa Linn «Snap» Engelsk Klikke 20 6109 Mahmood og Blanco «Brividi» Italiensk Frysningar 6 26810 Chanel «SloMo» Spansk og engelsk Slow-motion 3 45911 S10 «De diepte» Nederlandsk Djupet 11 17112 Kalush Orchestra «Stefania» Ukrainsk Stefania 1 63113 Malik Harris «Rockstars» Engelsk Rockestjerner 25 614 Monika Liu «Sentimentai» Litauisk Kjensler 14 12815 Nadir Rüstəmli «Fade to Black» Engelsk Vert svart 16 10616 Jérémie Makiese «Miss You» Engelsk Saknar deg 19 6417 Amanda Tenfjord «Die Together» Engelsk Døy saman 8 21518 Systur «Með hækkandi sól» Islandsk Med stigande sol 23 20 19 Zdob și Zdub og Frații Advahov «Trenulețul» Rumensk og engelsk Tog 7 25320 Cornelia Jakobs «Hold Me Closer» Engelsk Hald meg nærare 4 43821 Sheldon Riley «Not the Same» Engelsk Ikkje den same 15 12522 Sam Ryder «Space Man» Engelsk Rommann 2 46623 Krystian Ochman «River» Engelsk Elv 12 15124 Konstrakta «In corpore sano» Serbisk og latin I ein sunn kropp 5 31225 Stefan «Hope» Engelsk Håp 13 141
Hendingar Konsekvensar av den russiske invasjonen av Ukraina Oppladinga til Eurovision Song Contest vart prega av krigen i Ukraina. Den 24. februar 2022 gjekk Russland til åtak på Ukraina, og krigen fekk også fleire konsekvensar for Eurovision Song Contest 2022.
Ukraina byter deltakar Artisten Alina Pasj vann den ukrainske nasjonale finalen Vidbir 12. februar med låten «Shadows of Forgotten Ancestors», og skulle ha representert Ukraina i Eurovision Song Contest, men nokre dagar etter den ukrainske finalen oppstod det strid rundt eit besøk ho hadde hatt på den russisk-annekterte Krim i 2015. I Ukraina er det strenge reglar for innreise til Krim, blant anna må ukrainarar søkje om innreise, og innreisa må skje via Ukraina. Pasj leverte dokumentasjon på at ho hadde reist inn via Ukraina, men kringkastaren Suspilne meinte dokumentasjonen var fabrikkert. Til slutt valde Pasj å trekkje seg frå oppdraget med å representere Ukraina i Eurovision Song Contest, og kommenterte at ho «ikkje ville ha denne virtuelle krigen og hatet. Den viktigaste krigen no er den ytre, den som kom til landet mitt i 2014» – med tilvising til den då pågåande krigen i Aust-Ukraina. I staden fekk andreplassen Kalush Orchestra og låten «Stefania» representere Ukraina i Eurovision Song Contest 2022.
Hendinga skjedde midt under den spente situasjonen mellom Russland og Ukraina, berre dagar før Russland gjekk til militært åtak på Ukraina.
Russland vert utestengt frå tevlinga Etter at Russland invaderte Ukraina 24. februar 2022, vart Russland møtt av massiv fordømming frå land og organisasjonar over heile verda. Den ukrainske kringkastaren Suspilne bad same dag EBU om å suspendere dei russiske kringkastarane VGTRK og Pervyj kanal. Suspilne hevda VGTRK og Pervyj kanal hadde fungert som talerøyr for russiske myndigheiter sidan den russiske intervensjonen i Ukraina i 2014. Ein eventuell suspensjon ville utestengje Russland frå Eurovision Song Contest 2022, sidan eit land må vere medlem av EBU for å kunne delta. Tilsvarande hendingar skjedde i 1993 og 2021, då EBU utestengde Jugoslavia etter krigføring på Balkan og belarusiske BTRC frå unionen.
I ein e-post til svenske SVT same dag skreiv EBU at Russland framleis var velkommen til å delta i tevlinga, sidan Eurovision Song Contest er ei ikkje-politisk tevling. Fråsegna møtte sterk kritikk frå kringkastarar over heile Europa, og fleire kravde at EBU måtte utestengje Russland frå kringkastingsunionen. Den finske kringkastaren Yle truga med å trekkje Finland frå tevlinga dersom Russland fekk delta, og ei tilsvarande fråsegn kom frå estiske ERR. Norske NRK meinte også at Russland måtte utestengast: «Vi ser ikkje for oss at Russland kan delta i årets Eurovision Song Contest», sa dåverande kringkastingssjef Thor Gjermund Eriksen til NRK.
Den 25. februar hadde kringkastarar i ti land bedd EBU om å suspendere Russland frå tevlinga: danske DR, estiske ERR, finske Yle, islandske RÚV, litauiske LRT, nederlandske AVROTROS, norske NRK, polske TVP, svenske SVT og ukrainske Suspilne. Same dag vart Russland utestengt frå Europarådet, men dette fekk ingen direkte konsekvensar for EBU-medlemskapet til Russland. Kort tid etter kunngjorde EBU likevel at Russland var utestengt frå Eurovision Song Contest.
Ukraina vedtek å delta miniatyr|Frontfigur Oleh Piesuk bad Europa om hjelp til Ukraina frå scena i finalen. Her frå opningsseremonien 8. mai.