Henriette Jakobine Marie Gislesen () var ein norsk forfattar og omsetjar, kjend for sitt arbeid med religiøse skrifter.
Familie Henriette Gislesen var dotter av amtmann og generalkrigskommissær Niels Andreas Vibe (1759–1814) og Margery Kierulff (1775–1852). Ho vart gift fyrste gong 9. april 1829 med tremenningen sin, ekspedisjonssekretær Christian Frederik Glückstad (1803-1838). Ho vart gift annan gong 23. mars 1854 med biskop Knud Gislesen. Ho var syster av professor Frederik Ludvig Vibe og major og kartograf Andreas Vibe (1801–1860) og svigerinne til legen Heinrich Arnold Thaulow (1808–94).
Liv og virke Henriette Gislesen voks opp i Christiania, i heimen til general Benoni Aubert, som var gift med ei kusine av mora. Etter den tidlege døden til den første ektemannen hennar i 1838, søkte ho ei djup, personleg kristen tru. Denne prosessen har ho skildra i boka Erindringer fra det betydningsfuldeste Aar af mit Liv, som vart utgjeven etter at ho var død, i 1861. Den første boka hennar var likevel En Moders veiledende Ord til sin Datter, som kom ut i 1843. Denne vart skriven til pleiedottera hennar Christine, ei brordotter av den fyrste ektemannen hennar. Boka vart svært populær, og kom ut i omsetjingar til dansk, tysk og engelsk. Seinare nytta ho Forfatterinden til En Moders rettleiande Ord til sin Datter som psevdonym.
Som enke busette ho seg i Eiker, der ho vart verande i perioden 1844-1853. Der vekte presten Andreas Hauge, son av Hans Nielsen Hauge, interessa hennar for misjonsarbeid i 1851, og der byrja ho for alvor å skriva med tanke på å gje ut bøker. Dei siste ti leveåra var ho svært produktiv.
Med den andre ektemannen sin, biskop Gislesen, reiste ho omkring på visitasar og medverka aktivt i det religiøse arbeidet hans. Etter at Gislesen vart biskop i Tromsø i 1856, gav ho i 1857 ut boka Bekjendelse og Vidnesbyrd i Høve af Splittelsen i Kirken, som greip fatt i uroa omkring vekkingsrørsla i området. Etter at gjekk bort var byen kledd i sorg i åtte dagar.
I 1885 gav Bolette Gjør ut Bispinde Henriette Gislesens Breve i Udvalg, og i 1922 gav Misjonsselskapet ut boka Henriette Gislesen, skriven av Laura Gjerløw.
Bibliografi 1843: En Moders veiledende Ord til sin Datter, Christiania 1845: Julegave for det barnlige Sind, Christiania 1850: Helligaftenerne. Bibelske Samtaler imellem En Moder og hendes Børn, Christiania 185?: Lev vel! 1853: Den kvindelige Virksomhed for Missionen. Et Afskedsord til Søstre 1854: Kirken i Huset eller noget om Huusandagt, og Christelig Underviisning om Bønnen 1855: Psalmer til Morgen- og Aftenandagt samlede til Brug for Kirken i Huset, Christiania 1857: Bekjendelse og Vidnesbyrd i Anledning af Splittelsen i Kirken 1857: Betragtninger til Julefesten, Tromsø 1857: En ny Sang i Anledning Splittelsen i Kirken, Tromsø 1859: Missionsbog, oversat til Brug i Missionstimer, Tromsø 1861: Erindringer fra det betydningsfuldeste Aar af mit Liv, Christiania (posthumt) 1862: En Julehilsen til de smaa, Christiania (posthumt) 1885: Bispinde Henriette Gislesens Breve i Udvalg (utgitt i Kristiania ved Bolette Gjør) 1892: Guds Kald, Lutherstiftelsen, Kristiania (posthumt)
Oversatte bøker 1846: En Moders råd til sin Dotter (svensk utgåve av En Moders veiledende Ord til sin Datter) 1849: Vaka och bed! (svensk utgåve av En Moders veiledende Ord til sin Datter, med ny tittel) 1854: Die Lilie der Mission (tysk utgåve av Den kvindelige Virksomhed for Missionen) 186?: Ein Mutterwort: Worte eine Mutter an ihre Tochter (tysk utgåve av En Moders veiledende Ord til sin Datter) 1862: Meine Bekehrung (tysk utgåve av Bekjendelse og Vidnesbyrd i Anledning af Splittelsen i Kirken) 1869: Words of council: a mother's monitory to the daughter (engelsk utgåve av En Moders veiledende Ord til sin Datter)
Kjelder
Denne artikkelen bygger på «Henriette Gislesen» frå , den 16. november 2021.
Bakgrunnsstoff Norsk biografisk leksikon: Henriette Gislesen
Kategori:Folk frå Bergen Kategori:Norske forfattarar