Leo Ajkic () er ein norsk-bosnisk programleiar for radio og fjernsyn. Han er kjend for dokumentarseriar som Flukt og Rus.
Ajkic er fødd i Mostar i dåverande Jugoslavia, no i Bosnia-Hercegovina. Familien hans flykta under krigen i Bosnia, og etter opphald i Tyskland og Kroatia kom han til Noreg då han var 11. Deretter voks han opp i Bergen.
Leo Ajkic blei fyrst programleiar for BTV, tv-kanalen til Bergens Tidende, i 2007. I 2010 blei han tilsett i NRK P3. Han byrja etterkvart også å laga tv-seriar. I 2017 skapte han dokumentarserien Flukt (2017), der han tok for seg flyktningkrisa. Han vann fleire prisar for arbeidet. I 2020-21 var han programleiar i dokumentarserien Rus, produsert av Pandora Film. I 2024 var han programleiar for dokumentarserien Leo og de farlige, der han møtte innsette som sona forvaringsdommar.
Prisar og utmerkingar 2017: Fritt Ords honnør 2017: Gullruten 2017, beste mannlege programleiar for Flukt 2017: Ole Vig-prisen 2019: Jonasprisen 2022: Gullruten 2022, beste programleiar – nyhet, sport eller aktualitet for Rus 2024: Åpenhetsprisen, i lag med psykiateren Randi Rosenqvist.
Kjelder
Kategori:Programleiarar for NRK Kategori:Vinnarar av Gullruten for beste programleiar Kategori:Folk frå Bergen Kategori:Folk frå Mostar