Varietet vert definert i lingvistikken som ei språkform som vert delt av ei viss gruppe talarar. Det er ein paraplyterm som inkluderer både språk og dialekt. Bruken av omgrepet varietet unngår å skilje mellom språk, dialekt, sosiolekt, etnolekt ol. Motivasjonen for ein slik paraplyterm, er at grensa mellom desse termane, f.eks. språk og dialekt kan vere vanskelege å definere vitskapleg.
Dette vil seie at det som i daglegtalen vert kalla norsk språk, er ein varietet. Det same gjeld trøndske dialektar (eller geolektar), slik dei er talte i Trøndelag. Tradisjonelle sosiolektar som Oslo øst og Oslo vest, er også døme på varietetar. Andre døme på varietetar med lang eksistens i Noreg er dei ulike samiske språka, til dømes nordsamisk og sørsamisk. Dei er ulike varietetar, og dei er samstundes avstandsspråk (altså ikkje gjensidig forståelege).
Kjelder
Denne artikkelen bygger på «Varietet (lingvistikk)» frå Wikipedia på bokmål, den 21. oktober 2022.