Catherine Jane Ford (), kjend som Catherine Tate, er ein britisk skodespelar og komikar. Ho har vunne ei rekkje prisar og utmerkingar for sin innsats i BBC-humorserien (2004–2007), og ho har blitt nominert til en internasjonal Emmy-pris og sju BAFTA-prisar. Ho er kjend for roller i seriar som Catherine Tate's Nan og som Nellie Bertram i amerikanske The Office. Liv og virke Bakgrunn Catherine Ford blei fødd i London og vaks opp i Brunswick Centre. Ho blei utdanna ved St Joseph's Roman Catholic Primary School i Holborn, Notre Dame Roman Catholic Girls' School, Salesian College og Central School of Speech and Drama.
Karriere Frå 1988 til 1990 turnerte Tate med National Youth Theatre-oppsetjinga av , med blant andre og . I 1994 fekk ho rolla som Lydia Lubey i Oxford Stage Company si oppsetjing av Arthur Miller sitt . Seinare jobba ho ved Royal National Theatre, der ho hadde mindre roller i (1995) og (1996). Tate spelte også med under kompaniet sin timånaders-turné i Storbritannia, Australia og USA med sin versjon av The Servant of Two Masters (2000–2001).
I midten av 1990-åra fekk Tate fleire tv-roller og byrja med standup-komedie. I 2004 fekk ho sitt store gjennombrot med sketsjshowet The Catherine Tate Show på BBC. Innsatsen gav ho fleire pris-nominasjonar og ei rekkje nye roller. Blant anna spelte ho Donna Noble i julespesialen til , og blei seinare vikaren til Den tiande Doktoren i serien i 2008.
Etter suksessen med The Catherine Tate Show, fekk Tate rolla som Joanie Taylor («Nan») i BBC One-komiserien Catherine Tate's Nan (2009–2015) og filmen The Nan Movie (2022). I 2011 hadde ho ei fast rolle som Nellie Bertram i den amerikanske versjonen av The Office, og fram til serien slutta.
Tate hadde rolla som Miss Sarah Postern i BBC One-serien Big School (2013–2014) og hadde stemma til i animasjonsserien Ole, Dole og Doffen på eventyr (2017–2021). I 2022 spelte Tate seks roller i Netflix-serien Hard Cell, som ho også var med på å skrive og regissere.
Tate har også hatt fleire større og mindre filmroller, blant anna i Love and Other Disasters (2006), Mrs Ratcliffe's Revolution (2007), Gulliver's Travels (2010), Monte Carlo (2011) og SuperBob (2015). Ho presenterte dei britiske jurypoenga under finalen av Eurovision Song Contest 2023 i Liverpool.
Kjelder
Denne artikkelen bygger på «Catherine Tate» frå , den 6. mars 2024.
Kategori:Britiske komikarar Kategori:Britiske skodespelarar Kategori:Folk frå London