Noregsmeisterskapen i handball 1980 for menn enda med triumf for Kristiansands Idrettsforening gjennom finalesiger 20–18 over Refstad Idrettslag frå Oslo. Det var Kristiansand IF sin fyrste, og hittil einaste, kongepokal i handball.
Finalen Finalen vart avvikla i Gimlehallen i Kristiansand sundag 21. desember 1980 framfor 5 000 tilskodarar. Kristiansand IF gjekk opp i 3–0, før Refstad svarte med tre strake fulltreffarar. Sidan fylgde laga kvarandre til pauseresultatet 9–9. I den andre omgangen drog Refstad ifrå, tolv minutt før slutt leia oslolaget 17–14. Då byrja KIF å punktmarkere Trond Ingebrigtsen, noko som førte til at heimelaget snudde til 19–17. Til sist vann KIF 20–18.
KIF-måla kom frå Frank Egeland 6, Morten Michelsen 4, Yngve Halvorsen 3, Hugo Køhler 2, Kristen Grislingaas, Torstein Pedersen, Knut Stormyr, Erik Augestad, Tore B. Johannessen, 1 mål alle. Jan Marcussen stod ein god kamp i mål.
For Refstad skåra Trond Ingebrigtsen 6 mål, Terje Halen 5, Jens Hansen 3, Arvid Gerø 2, Morten Johansen 2.
Dommarar: Per Erik Sjong og Jan Rolf Ludvigsen straffa KIF med 4 tominuttsutvisingar og Refstad med ei.
Kjelder Arbeiderbladet, 22. desember 1980
1980 Kategori:Noregsmeisterskap i 1980 Kategori:Handball i 1980