Trans-Canada Highway (fransk Route Transcanadienne) er eit transkontinentalt hovudvegsystem som er delvis statleg finansiert og delvis finansiert av dei respektive provinsane i Canada. Det går gjennom alle dei ti provinsane i Canada mellom stillehavskysten og atlanterhavskysten. Saman med den transsibirske hovudvegen og Highway 1 i Australia er han ein av dei lengste nasjonale hovudvegane i verda, der hovudruta er 7 821 km. Vegsystemet blei godkjent med Trans-Canada Highway Act i 1949, og bygginga byrja i 1950. Hovudvegen opna offisielt i 1962, og stod ferdig i 1971. Hovudvegsystemet er kjenneteikna av vegskilt med eit kvitt lønneblad på grøn bakgrunn.

mini|venstre|Highway 1 vestover mot Vancouver

Gjennom det meste av Canada er det minst to trasear som begge er ein del av Trans-Canada Highway (TCH). I dei vestlege provinsane er til dømes både hovudtraseen til Trans-Canada og Yellowhead Highway ein del av Trans-Canada-systemet. Sjølv om TCH ikkje går innom nokre av dei tre nordlege territoria i Canada, dannar Trans-Canada Highway delar av det totale nasjonale hovudvegsystemet i Canada, som har samband til Nordvestterritoria, Yukon og den internasjonale grensa mellom Canada og USA, der det er vegsamband over til USA.

I 2012 blei det installert ei rekkje gratis ladestasjonar for elbilar langs hovudtraseen av eit firma kalla Sun Country Highway, noko som gjer det mogleg å køyra heile strekninga med elbil. Per 2012 var dette dermed den lengste hovudvegen i verda som var klargjort for elbil.Caulfield, Jane. (2012-12-11) Electrifying trip along the Trans-Canada Highway pit stops in Saskatchewan | Metro . Metronews.ca. Retrieved on 2015-02-11.World's Longest Greenest Highway Project - Sun Country Highway . Suncountryhighway.ca. Retrieved on 2015-02-11.

Kjelder

Denne artikkelen bygger på «Trans-Canada Highway» frå , den 19. oktober 2025.

Kategori:Newfoundland og Labrador Kategori:Alberta Kategori:Saskatchewan Kategori:Prince Edward Island Kategori:Britisk Columbia Kategori:Manitoba Kategori:New Brunswick Kategori:Nova Scotia Kategori:Quebec Kategori:Ontario