Hans Gottfried Wang () var ein norsk byråkrat, avisutgjevar og stortingsmann frå Christiania, busett i Tønsberg.
Wang var i 5 år kontorist og fullmektig hos sorenskrivaren på Ringerike og 2 år hos sorenskrivaren i Jarlsberg. Frå 1830 var Wang underfut i Tønsberg. Sidan 1837 formannskapssekretær i Tønsberg.
Wang stifta i 1838 Tønsbergs by og vel og fekk i gang ein handgjerningsskule for fattige jenter, arbeidshus for arbeidslause, og i 1839 Tønsbergs sjuke- og fattighus. I 1849 tok han initiativet til stiftinga av Tønsberg Håndverks- og Industriforening.
I 1840 overtok Wang eit boktrykkeri og gav fyrst ut Tunsbergeren og sidan Tønsbergs Blad i 14 år. Han var elles aktiv målar, stilte ut fleire måleri i Christiania kunstforening. Wang var også treskjerar som laga tresnitt.
Hausten 1850 vart Wang med 3 røyster vald til å representere Tønsberg på Stortinget 1851. Han var medlem i Desisjonskomiteen.
Kjelder Lindstøl, Tallak: Stortinget og Statsraadet 1814-1914. Kristiania, 1914. Jarlsberg og Larviks Amtstidende, 14. september 1850
Kategori:Stortingsrepresentantar 1851-1853 Kategori:Folk frå Oslo Kategori:Folk frå Tønsberg