Stiff Little Fingers er eit nordirsk punkband frå Belfast som blei grunnlagt i 1977. Songane deira er prega av konflikten i Nord-Irland, som var svært valdeleg på denne tida.
Gruppa blei skipa då medlemmane gjekk på skulen, med namnet Highway Star (etter ein song av Deep Purple). Dei gjorde coverlåtar av rockesongar før dei oppdaga punk. Gruppa var den fyrste punkgruppa i Belfast til å gje ut musikk, singelen «Suspect Device», som kom ut på deira eige sjølvstendige plateselskap, Rigid Digits. Albumet Inflammable Material, som dei gav ut i partnarskap med Rough Trade, blei den fyrste indie-LP-en til å koma inn på den britiske topp 20-lista.
I 1983 blei gruppa oppløyst, men ho blei gjenoppretta i 1987. Ho har hatt fleire endringar i samansetjing, men har halde fram med å turnera og gjera innspelingar. Songaren Jake Burns er det einaste medlemmet som har vore med i gruppa heile tida. I 2006 kom den opphavlege bassspelaren Ali McMordie tilbake til gruppa etter at Bruce Foxton forlet henne etter femten år.
Medlemmar Noverande Jake Burns – vokal, gitar (1977–1982, 1987–) Ali McMordie – bass, backing vocals (1977–1982, 1987–1991, 2006–) Ian McCallum – gitar, korvokal (1993–) Steve Grantley – perkusjon, korvokal (1996–)
Tidlegare Henry Cluney – vokal, gitar (1977–1982, 1987–1993) Bruce Foxton – bass, vokal (1991–2006) Brian Faloon – perkusjon (1977–1979) Jim Reilly – perkusjon (1979–1981) Dolphin Taylor – perkusjon, korvokal (1981–1982, 1987–1996)
Tidsline
Album
Inflammable Material (1978) Nobody's Heroes (1980) Hanx! (1980), konsertalbum Go For It (1981) Now Then (1982) All The Best (1983), singlesamling, 1978-83 See You up There! (1989), konsertalbum Flags and Emblems (1991) Get A Life (1994) Tinderbox (1997) Hope Street (1999) Guitar and Drum (2003) No Going Back (2014)
Kjelder
Denne artikkelen bygger på «Stiff Little Fingers» frå , og «Stiff Little Fingers» frå den 18. oktober 2026.
Bakgrunnsstoff
Kategori:Nordirske musikkgrupper Kategori:Punkrock-grupper Kategori:Skipingar i 1977