Kielfreden var ein avtale mellom Sverige og Danmark-Noreg som vart inngått 14. januar 1814. Avtalen gjekk ut på at danskekongen, som ein tapar i Napoleonskrigane, skulle overgje Noreg til kongen av Sverige. Til gjengjeld skulle danskekongen få dei svenske områda i Pommern.
Avtalen tredde likevel aldri i kraft. Preussen tok herredøme over Pommern, medan Noreg erklæra sjølvstendet sitt, vedtok ei grunnlov og valde prins Christian Frederik som konge. Etter ein kort krig med Sverige godtok Noreg ved Konvensjonen i Moss, signert 14. august 1814, å gå inn i ein personalunion med Sverige.
Kielfreden inkluderte ikkje Grønland, Island og Færøyane, som med det vart overførte til dansk suverenitet etter å ha vore under Noreg sidan Noregsveldet.
Sjå òg Norsk historie
Kategori:Dansk-norske avtalar Kategori:Unionen mellom Noreg og Sverige Kategori:Danske fredsavtalar Kategori:Avtalar i 1814 Kategori:Britiske fredsavtalar Kategori:Svenske fredsavtalar Kategori:Hendingar i 1814 Kategori:Danmark-Noreg Kategori:Avtalar i Napoleonskrigane Kategori:Avtalar på 1800-talet