Flakstad kyrkje ligg på staden Flakstad i Flakstad kommune i Nordland. Kyrkja er ei krosskyrkje i tre med 300 plassar. Ho vart bygd i 1780 og vølt om i 1872 og 1938. Ho høyrer til Flakstad sokn i Lofoten prosti.
Flakstad kyrkje er første gong nemnd i skriftlege kjelder i 1413.Referat fra NAS’ tur til Lofoten, 28. mai til 1. juni 2003 frå Arkeologi.no Ei kyrkje på Flakstad vart bygd i 1430. Ho vart øydelagd av storm på 1700-talet. Den nye kyrkja vart bygd av tømmer frå Russland. Ho vart bygd utanpå den gamle kyrkja. Ei av lysekronene i kyrkja kjem òg frå Russland. Fleire av gjenstandane i dagens kyrkje stammer frå den gamle kyrkja, deriblant to lysekroner, altertavla og preikestolen.
Ein orkan blåste tårnet av kyrkja i 1874. Tårnet vart deretter sett opp i vestenden av kyrkja. Under ombygginga i 1938 vart tårnet sett på plass att midt over kyrkjekrossen, i kyrkjetaket.
Galleri
Referansar
Bakgrunnsstoff
Kategori:Kyrkjer i Flakstad Kategori:Byggverk i Flakstad Kategori:Kulturminne i Flakstad Kategori:Kyrkjer i Lofoten prosti Kategori:Norske kyrkjer frå 1780-åra Kategori:Krosskyrkjer i Noreg Kategori:Tusenårsstader Kategori:Valkyrkjer i 1814