Dordogne (oksitansk Dordonha) er ei elv i sørvestlege og sentrale delar av Frankrike
Geografi Elva har sitt utspring i fjellsida av Puy de Sancy (1 885 m) i fjella i Auvergne, der to små fjellelvar renn i hop: Dore og Dogne. Ho renn hovudsakleg vestover om lag 500 km gjennom regionane Limousin og Périgord før ho munnar ut i Gironde, elvemunningen som ho delar med Garonne, nord for byen Bordeaux.
Etymologi Dordogne kjem av det antikke ordet Durānius, som igjen har sitt opphav i den urkeltiske rotadur-, dor- (som i Durance).
I mellomalderen fekk namnet på elva den doble endinga -ononia, påverka av endinga -onna, som ein finn i namnet til mange andre elvar i Frankrike. På 500-talet var namnet Dorononia fluvius, på 700-talet Dornonia, som utvikla seg til Dordonia (800-talet).
Natur Dordogne er ei av få elvar i verda der store tidvassbølgjer brer seg langt oppover elva. Dordognedalen vert rekna som ein vakker dal, og er med på å trekke turistar til regionen. Turistsesongen varer stort sett frå juni til september, der juli og august er høgsesong.
Elveleiet Dordogne renn gjennom følgjande departement og byar: Puy-de-Dôme - Mont-Dore (nær kjelda), La Bourboule Corrèze - Argentat, Bort-les-Orgues Lot - Souillac Dordogne - Beynac-et-Cazenac, Sarlat, Saint-Cyprien og Bergerac Gironde - Sainte-Foy-la-Grande og Libourne
mini|Dordogne i Périgord
Sideelvar Dei største sideelvane til Dordogne frå kjelda til munningen (H=høgre, V=venstre)
(H) Rhue (H) Diège (H) Luzège (V) Sumène (V) Auze (H) Doustre (V) Maronne (V) Cère (H) Sourdoire (V) Ouysse (H) Vézère (H) Isle (V) Laurence
Kjelder
Denne artikkelen bygger på «Dordogne River» frå , den 25. april 2007.
Bakgrunnsstoff Turisme i Dordognedalen
Dordogne Dordogne Dordogne Dordogne Dordogne Dordogne Dordogne