Anders Johnsen Buen () var ein norsk politikar frå Gransherad i Telemark. Han var typograf og sidan journalist, og vart redaktør av Social-Demokraten, hovudorganet til Arbeidarpartiet, frå 1900 til 1903. Etterpå vart han redaktør av arbeidaravisa Ny Tid i Trondheim.
Buen var stortingsmann frå 1906 til 1921. Han var parlamentarisk leiar for Arbeidarpartigruppa frå 1915 til partiet vart kløyvd i 1921. Då vart han leiar for stortingsgruppa til Norges Socialdemokratiske Arbeiderparti, som vart skipa det året. Han redigerte også avisa Trøndelag Socialdemokrat i dei åra NSA eksisterte, frå 1921 til 1927. Denne avisa gjekk då opp i Arbeideravisa.
Buen var i desse åra ein sterk motstandar av den radikale fløya i Arbeidarpartiet som var leidd av Martin Tranmæl. Buen var ein klart reformistisk sosialist. Han støtta Gunnar Knudsen si Venstre-regjering mot Høgre, mellom anna under striden om rettskrivingsreforma av 1917.
Kjelder
Kategori:Stortingspresidentar Kategori:Stortingsrepresentantar frå Ap Kategori:Stortingsrepresentantar for Trondheim og Levanger Kategori:Stortingsrepresentantar 1907-1909 Kategori:Stortingsrepresentantar 1910-1912 Kategori:Stortingsrepresentantar 1913-1915 Kategori:Stortingsrepresentantar 1916-1918 Kategori:Stortingsrepresentantar 1919-1921 Kategori:Ap-politikarar i Oslo Kategori:Ap-politikarar i Sør-Trøndelag Kategori:Lokalpolitikarar i Trondheim Kategori:Norske fagforeiningsleiarar Kategori:Norske redaktørar Kategori:Folk frå Notodden Kategori:Redaktørar for Dagsavisen eller forløparar Kategori:Folk frå arbeidarrørsla i Noreg