Kjell Magne Bondevik () er teolog (cand.theol. frå Menighetsfakultetet i Oslo i 1975) og ein tidlegare norsk politikar i (KrF).
Karriere
Han var kyrkje- og undervisingsminister i Willoch-regjeringa 1983–86 og utanriksminister i Syse-regjeringa 1989–90. Frå 17. oktober 1997 til 3. mars 2000 var Bondevik statsminister i ei trepartiregjering mellom KrF, Senterpartiet og Venstre. Denne regjeringa vart kalla Sentrumsregjeringa og vart felt på spørsmålet om forureiningsfrie gasskraftverk. Bondevik var òg statsminister for ei mindretalsregjering utgjort av KrF, Høgre, og Venstre frå 19. oktober 2001 til 17. oktober 2005. Denne regjeringa kalla seg sjølv Samarbeidsregjeringa og gjekk av etter valnederlaget i 2005. Bondevik si andre regjering var den første som hadde sete ein heil valperiode sidan Per Borten si fyrste regjering 1965–1969.
Kjell Magne Bondevik sat på Stortinget for Møre og Romsdal frå 1973 til 2005. Han var partileiar i Kristeleg folkeparti frå 1983 til 1995.
Kjell Magne Bondevik er nevø av politikaren Kjell Bondevik og fetter av biskop Odd Bondevik. Kjell Magne voks opp som son av rektoren ved ein kristen folkehøgskule i Molde og tok examen artium ved Molde kommunale høgre ålmennskule. Han gifta seg og stifta familie med ungdomskjærasten frå heimbyen, Bjørg Rasmussen.
Han gav i 2006 ut boka Et liv i spenning, gjennom forlaget Aschehoug.
Prisar og utmerkingar
Bondevik vann Petter Dass-prisen i 1997. Under si andre regjeringtid vart Bondevik i 2004 tildelt storkrossen av St. Olavs Orden. For boka Fortellingen om Aung San Suu Kyi fekk han Ordknappen 2010.
Sjå òg Lengst sitjande norske statsministrar Liste over norske statsministrar Liste over norske regjeringar Liste over norske utanriksministrar Kjell Magne Bondevik si fyrste regjering Kjell Magne Bondevik si andre regjering
Kjelder
Kategori:Norske statsministrar Kategori:Regjeringa Bondevik I Kategori:Regjeringa Bondevik II Kategori:Norske utanriksministrar Kategori:Norske kyrkje- og undervisningsministrar Kategori:Statsrådar i Regjeringa Willoch Kategori:Statsrådar i Regjeringa Syse Kategori:KrF-statsrådar Kategori:Leiarar for Kristeleg Folkeparti Kategori:Stortingsrepresentantar frå KrF Kategori:Stortingsrepresentantar for Møre og Romsdal Kategori:Stortingsrepresentantar 1973-1977 Kategori:Stortingsrepresentantar 1977-1981 Kategori:Stortingsrepresentantar 1981-1985 Kategori:Stortingsrepresentantar 1985-1989 Kategori:Stortingsrepresentantar 1989-1993 Kategori:Stortingsrepresentantar 1993-1997 Kategori:Stortingsrepresentantar 1997-2001 Kategori:Stortingsrepresentantar 2001-2005 Kategori:St. Olavs Orden Kategori:Norske prestar Kategori:Lutherske prestar Kategori:Norske teologar Kategori:Folk frå Molde Kategori:Leiarar i KrFU