Klokkelyng (Erica tetrálix) er ein liten dvergbusk i lyngfamilien.
Utsjånad Klokkelyngen er kjertehåra. Blada er kransstilte og nåleforma. Blomstrane er rosa og oppblåste, og sit i klasar i toppen av kvistane.
Klokkelyngen har rikeleg med nektar, og insekta besøker han gjerne. Etter pollinering dannar han ein liten fruktkapsel som vert sitjande inni den visne blomsterkrona.
Utbreiing Klokkelyngen er ein utprega kystart. I Noreg veks klokkelyngen på torvmyr og lyngmark i kyst- og fjordstrok nordover til Sør-Helgeland. Elles veks han i kyststrok i Vest-Europa sør til Spania.
Kultur Klokkelyngen er fylkesblomster i Rogaland.
Kjelder Johannes Lid: Norsk og svensk flora Det Norske Samlaget 1974 ISBN 82-521-0297-2 C.A.M. Lideman: Nordens Flora Gyldendal Norsk Forlag 1977 ISBN 82-05-08681-8 Botanisk museum
Bakgrunnsstoff
Kategori:Lyngfamilien Kategori:Rogaland fylke