Ytterøyane fyrstasjon er eit kystfyr som ligg på ei øy i øygruppa Ytterøyane, nordvest i Kinn kommune i Vestland.
Fyrstasjonen har eit 20 meter høgt støypejernstårn som står på ein høg, åttekanta betongsokkel. Med sokkelen er tårnet 31 meter høgt. Det opphavlege 1. ordens linseapparatet er bygd om, men framleis i drift. Tett ved fyret står maskinhus, bustad og uthus. Ved vegen ned til naust og landing ligg tuftene etter ei smie. Området har rik flora og fugleliv og er verna som naturreservat etter lov om naturvern.
Sjølve fyrstasjonen er freda etter lov om kulturminne.
Klima Meteorologisk institutt har hatt ein vêrstasjon på Ytterøyane fyr sidan september 1984. Stasjonen ligg 26 meter over havet og har synopnummer 01304.
Jan Feb Mar Apr Mai Jun Jul Aug Sep Okt Nov Des År Temperatur (°C) 2,8 2,3 3,0 4,5 7,8 11,0 12,5 13,1 11,1 9,1 5,8 3,7 7,2 Nedbør (mm) 95 71 80 58 45 57 72 91 136 139 130 116 1090
Sjå òg Fyr i Noreg
Kjelder
Bakgrunnsstoff
Kategori:Fyr i Kinn Kategori:Freda bygg i Vestland Kategori:Vêrstasjonar i Noreg Kategori:Skipingar i 1881 Kategori:Kulturminne i Kinn Kategori:Øyar i Kinn