Norges Sjakkforbund (NSF) er landssamanslutninga for sjakkspelarar og sjakklubbar i Noreg. Forbundet er medlem i Nordisk Sjakkforbund og Verdssjakkforbundet (FIDE).
Norges Sjakkforbund vart stifta som Norsk Schakforbund, den 20. juli 1914 av sju klubbar. På 30-talet hadde Arbeidernes Idrettsforbund eit eige sjakkutval, som etter kvart vart større enn Norsk Sjakkforbund. Under 2. verdskrigen låg den organiserte sjakken nede, og i 1946 vart dei to organisasjonane einige om å slå seg saman. Samtidig vart namnet endra til det noverande Norges Sjakkforbund.
Ungdommens Sjakkforbund organiserer sjakkspelarar som er under 25 år i nært samarbeid med Norges Sjakkforbund.
Norges Sjakkforbund gir ut medlemsbladet Norsk Sjakkblad.
Organisatorisk Forbundet sitt høgeste organ er kongressen. Kongressen blir arrangert kvar sommar i samband med Noregsmeisterskapen i sjakk (Landsturneringa).
Kongressen vel eit sentralstyre, som styrer Norges Sjakkforbund mellom kongressane. Sentralstyret blir leia av presidenten i Norges Sjakkforbund. I tillegg vel kongressen ei rekkje utval: Turneringsutvalet, Eliteutvalet, Reglementsutvalet, Elo-komiteen, Seniorutvalet mv.
Norges Sjakkforbund har dei siste åra hatt om lag 2500 medlemmar i om lag 110 sjakklubbar.
Sjakkontoret Forbundskontoret har adresse Sandakerveien 24D i Oslo (Myhrens verksted). Norges Sjakkforbund har fram til mai 2011 hatt felles generalsekretær med Ungdommens Sjakkforbund.Norsk Sjakkblad nr. 3-2011 s. 12-13 Generalsekretæren har ansvaret for den daglege drifta av kontoret.
Kontoret arbeider mellom anna med: Medlemsregistrering Administrasjon av turneringsverksemda Service til klubber, kretsar og medlemar.
Generalsekretærar Øystein Brekke (1982–1988) Johs. R. Kjeken (1988–1998) Bjarke Sahl (Kristensen) (1998–2005) Dag Danielsen (2006–2011) Liv Mette Harboe (2011–2014) Geir Nesheim (2014–2021) Eirik Natlandsmyr (2021–2022) Kristine Marie Ganz (2022–2024)https://www.sjakk.no/aktuelt/kristine-marie-ganz-ny-generalsekret%C3%A6r-i-nsf-og-usf Sofie Sæther (2024–)https://www.sjakk.no/aktuelt/ny-generalsekret%C3%A6r-i-norges-sjakkforbund-nsf-og-ungdommens-sjakkforbund-usf
Kjelder
Litteratur
Øystein Brekke: Norges sjakkforbund 75 år 1914-1989, Norges Sjakkforbund 1989, ISBN 82-991916-0-2 Øystein Brekke: Norske sjakktrekk. Norges Sjakkforbund 100 år 1914-2014. Norges Sjakkforbund 2014, ISBN 978-82-991916-2-3
Bakgrunnsstoff
Kategori:Sjakkorganisasjonar Kategori:Skipingar i 1914