«Gimme Shelter» er ein song av The Rolling Stones på albumet Let It Bleed frå 1969. Sjølv om det første ordet vart stava «Gimmie» på dette albumet, har bandet på seinare innspelingar, samt andre artistar som har spelt songen, nytta «Gimme» som den vanlege stavinga.
Inspirasjon og innspeling
Songen er skriven av Mick Jagger og Keith Richards. Richards hadde arbeida med opningstonane i London medan Jagger arbeidde med filmen Performance. Songen er forma som ein mellomrask, malande rockelåt. Han startar med ein rytmegitarintro av Richards, etterfølgd av Jagger på solovokal. Jagger har sagt om songen at han er ein slags «enden-på-verda-song» eller ein apokalyptisk song.Wenner, Jann. Jagger Remembers , Rolling Stone (14. desember 1995).
Songteksten omhandlar det å søke ly (shelter) for eit komande uvêr, og måler eit bilete av øydelegging og sosial apokalypse, men òg om makta kjærleiken har:
Korvokalen vert sungen av gjestevokalist Merry Clayton. Jagger har seinare sagt at det var produsenten sin ide å ta inn ei kvinneleg stemme. Clayton syng òg eit soloparti på songen etter ein av gitarsoloane til Richards med linjene «Rape, murder; It's just a shot away, It's just a shot away». Ho og Jagger endar songen med linja «Love, sister, it's just a kiss away». Ei kvinne har sidan ikkje hatt eit like stort vokalt bidrag på ein Rolling Stones-song. Unterberger, Richie. "Gimme Shelter". allmusic.com (2007)..
Innspelinga fann stad i Olympic Sound Studios i London i februar og mars 1969. Vokalen til Clayton vart spelt inn i Los Angeles i Sunset Sound & Elektra Studios i oktober og november same året. Nicky Hopkins spelar piano på songen, medan produsent Jimmy Miller spelar perkusjon. Charlie Watts speler trommer, medan Bill Wyman speler bass. Jagger speler munnspel og song korvokal i lag med Richards og Clayton. Gitarist Brian Jones var ikkje med på denne innspelinga.
Sjølv om songen er populær, vart han aldri gjeven ut på singel. Han vart raskt eit fast innslag på konsertane deira og har vore med på mange samlealbum, mellom andre Hot Rocks 1964-1971 og Forty Licks, samt konsertalbuma No Security og Live Licks.
Musikkmagasinet Rolling Stone plasserte songen på 38. plass på lista deira over dei 500 største songane gjennom tidene i 2004.
Medverkande The Rolling Stones Mick Jagger – solovokal, munnspel Keith Richards – gitar, korvokal Bill Wyman – bass Charlie Watts – trommer
Andre medverkande Nicky Hopkins – piano Jimmy Miller – perkusjon Merry Clayton – solovokal (skriven «Mary Clayton»)
Andre utgåver Songen er spelt av mange artistar, mellom andre Merry Clayton (ei eiga utgåve i 1970), Grand Funk Railroad, The Sisters of Mercy, Goo Goo Dolls, Inspiral Carpets, John Mellencamp, Meat Loaf, Holy Soldier, Hawkwind, Michael Hedges, Thunder, Hellacopters, Ashley Cleveland, Rio Reiser, The Accident Experiment, Turboneger, London Symphony Orchestra, Streetlab, Patti Smith, Keith Urban og Alicia Keys, Angélique Kidjo og Joss Stone, Stereophonics, Sheryl Crow, Twilight Dementia og Tom Jones
Kjelder Denne artikkelen bygger på «Gimme Shelter» frå , den 3. mars 2009. oppgav desse kjeldene:
Bakgrunnsstoff
Kategori:Songar frå 1969 Kategori:Rolling Stones-songar Kategori:Songar skrivne av Jagger/Richards Kategori:Songar produserte av Jimmy Miller Kategori:Songar om Vietnamkrigen 038 013 Kategori:Grand Funk Railroad-songar Kategori:Joss Stone-songar Kategori:Patti Smith-songar Kategori:Samantha Fox-songar Kategori:Sisters of Mercy-songar Kategori:Goo Goo Dolls-songar Kategori:Sheryl Crow-songar Kategori:Tom Jones-songar Kategori:Capitol Records-singlar Kategori:Columbia Records-singlar Kategori:Hawkwind-songar Kategori:Turboneger-songar Kategori:Meat Loaf-songar Kategori:Keith Urban-songar Kategori:Alicia Keys-songar Kategori:Stereophonics-songar Kategori:Angelique Kidjo-songar Kategori:Paolo Nutini-songar