Ove Robert Aunli () er ein tidlegare norsk langrennar, gift med Berit Aunli. Han var først medlem av klubben på heimstaden, Kyrksæterøra IL, sidan av Strindheim IL.
Langrennar Aunli deltok på det norske stafettlaget som vann gullmedalje under VM 1982. Under VM 1985 i Seefeld gjekk han ankeretappen for Noreg på stafetten. Her sprengde han feltet om lag ein kilometer før mål og la Italias Giuseppe Ploner bak seg før oppløpet, slik at det vart norsk gull. Hans fremste individuelle prestasjon kom då han vann sølv på 30 km i same meisterskapen. Han fekk elles bronsemedalje på 15 km under OL i 1980 og ein VM-medalje av same valør på 50 km under VM i 1985, då han var i sitt livs beste form. Aunli gjekk få gode løp i norgesmeisterskap. Han vann eitt einaste NM-gull (30 km i 1985), fekk tre sølv og ein bronse.
Medaljar og besteplasseringar i internasjonale meisterskap og renn 1978: Nr 10 på 15 km i VM i Lahti. 1979: Nr 9 på 50 km, Holmenkollen. 1980: Bronsemedalje på 15 km i OL i Lake Placid. 1981: Nr 2 på 15 km i Lahti. 1982: Nr 4 på 15 km under VM i Holmenkollen. 1983: Nr 12 på tremila og i Falun og på femmila i Holmenkollen. 1983/4: Nr 2 på 15 km i Ramsau og nr 4 på femmila i Holmenkollen. 1984/5: Sølvmedalje på 30 km og bronsemedalje på femmila i VM i Seefeld. Vinnar av 15 km i Davos. 1985/6: Nr 5 på 30 km i Bibawik. 1987: Nr 5 på 30 km i Falun.
Medaljar i VM- og OL-stafettar 1978: Bronse (VM). 1980: Sølv (OL). 1982: Gull (VM). 1985: Gull (VM). 1987: Bronse (VM, Oberstdorf).
Medaljar og besteplasseringar i norgesmeisterskap Ski-NM 1977: Nr 11 på 30 km på Røros Ski-NM 1978: Nr 6 på 30 km på Konnerud Ski-NM 1979: Nr 6 på 15 km på Steinkjer Ski-NM 1980: Sølvmedalje på femmila på Vingrom Ski-NM 1981: Bronsemdalje på 15 km på Eidsvoll Ski-NM 1982: Sølvmedalje på 15 km på Raufoss Ski-NM 1983: Nr 11 på 30 km på Lillehammer Ski-NM 1984: Nr 4 på 15 km på Hof Ski-NM 1985: Gullmedalje på 30 km, sølvmedalje på 15 km i Tromsø Ski-NM 1986: Nr 7 på 30 km på Vang
Aunlis beste samanlagtplasseringar i verdscupen er tredjeplass i både 1981 og 1985.
Kjelder Sportsboken, aktuelle årgangar
Bakgrunnsstoff
Kategori:Norske langrennsløparar Kategori:Verdsmeistrar i langrenn Kategori:Noregsmeistrar i langrenn Kategori:Olympiske medaljevinnarar i langrenn Kategori:Olympiske sølvmedaljevinnarar for Noreg Kategori:Olympiske bronsemedaljevinnarar for Noreg Kategori:Medaljevinnarar under vinter-OL 1980 Kategori:Norske deltakarar under vinter-OL 1980 Kategori:Langrennsløparar under vinter-OL 1980 Kategori:Norske deltakarar under vinter-OL 1984 Kategori:Langrennsløparar under vinter-OL 1984 Kategori:Folk frå Hemne